Türk hərbçilər bu sistemi öyrənmək üçün Bakıya gəlir

Türkiyədə S-400-ləri idarə edəcək 100-ə hərbçinin siyahısı bəlli olub.

Bu məlumatı "Yeni Akit" qəzeti yayıb. Qəzet siyahını Müdafiə Nazirliyi və Türkiyə Silahlı Qüvvələrinin Baş Qərargahının müəyyən etdiyini bildirib.

S-400-ləri istifadə edəcək hərbçilərin sistemi öyrənmək üçün Rusiyaya gedəcəyi müəyyən olunub. Ankaranın Rusiyadan öncə bu hərbçiləri Bakının dəvəti əsasında Azərbaycana göndərəcəyi vurğulanıb. Belə ki, hərbçilərin burada S-300 PMU2 sistemlərindən istifadəni öyrənəcəyi, yaz aylarının sonunda isə Moskvaya yola düşəcəyi bildirilib.

Onların 2020-ci ilin yanvarında Türkiyəyə dönəcəyi, daha sonra isə S-400-ləri istifadə edəcək növbəti heyətlərin Ankarada hazırlanacağı qeyd edilib.

axar