Paşinyan Qarabağın həllində riskə gedə bilər - Brayza

Növbədənkənar parlament seçkisində qələbədən sonra Paşinyanın manevrlər üçün meydanı yaranıb.

Bunu  ABŞ-ın Azərbaycanda eks-səfiri, ATƏT-in Minsk Qrupunun keçmiş həmsədri Metyu Brayza deyib.

"Paşinyanın Qarabağ probleminin həllində riskli addımlara gedə biləcəyini istisna etmirəm. Mən onunla şəxsən tanış deyiləm və deyə bilmərəm ki, o, konkret olaraq hansı addımlar ata bilər. Burada hər şey Paşinyan və Prezident Əliyevin şəxsi əlaqələrinin necə qurulacağından və onların bir-birinə necə güvənəcəklərindən asılıdır. Hələlik nəyisə konkretləşdirmək çətindir. Bilinən əsas məsələ odur ki, Köçəryan və Sərkisyanın Qarabağın liderləri qarşısında öhdəlikləri var idi, Paşinyanın isə belə öhdəliyi yoxdur və bu münasibətlərdə o daha sərbəstdir", - deyə o bildirib.

"Haqqin.az"