Mədəniyyət
Gənc Tamaşaçılarda primyera
Azərbaycan Dövlət Gənc Tamaşaçılar Teatrında “Yarımçıq qalmış...” tamaşasının premyerası ictimaiyyət nümayəndələrinə təqdim olunub. Teatrdan “Olaylar” – a bildirilib ki, 2016-cı ilin aprel ayında cəbhə xəttində gedən döyüşlər zamanı şəhid olan Azərbaycan Dövlət Rəssamlıq Akademiyasının “heykəltəraşlıq” fakültəsinin məzunu Samir Kaçayevin xatirəsinə həsr olunmuş tamaşa Y.Abramov və L.Bəyimin “Xəyalpərvər oğlan” əsəri əsasında hazırlanıb. Yeni səhnə əsərinin quruluşçu rejissoru, Xalq Artisti Vaqif Əsədov, quruluşçu rəssamı Elşən Sərxanoğlu, rejissoru Gülnar Hacıyeva, musiqi tərtibatçısı Ramiq Nəsirov, rəqslərin quruluşçusu Ella Hacıyeva, rejissor assistenti isə Sevda Hacışəmiyeva, mahnıların ifaçısı Çinarə Məlikzadədir.
E.ə. I miniliyə aid olan bu antik əşyalar qorunur
Milli Azərbaycan Tarixi Muzeyində 1946-1953-cü illərdə Mingəçevir ərazisindən aparılan arxeoloji qazıntılar zamanı əldə olunan antik dövrə aid çox sayda bəzək əşyaları mühafizə olunur.
.jpg)
TEAS Press Azərbaycan Cümhuriyyəti tarixinə dair daha bir kitab nəşr edib
Azərbaycanın mühacirət tarixinin tədqiqatçısı Dilqəm Əhmədin “Mühacirlərin dönüşü” adlı kitabı bu günlərdə TEAS Press Nəşriyyat evi tərəfindən nəfis tərtibatla çapdan buraxılıb. Avropa Azərbaycan Cəmiyyətindən “Olaylar” – a bildirilib ki, kitabda Azərbaycanın mühacirət tarixi ilə bağlı yeni sənədlər, məktublar, fotoşəkillər yer alır, mühacirlərin həyatından maraqlı fraqmentlər, yeni məlumatlar verilir.
“Azərbaycan multikulturalizmi Avropada qəbul edilir”
Məlum olduğu kimi, Bern şəhərindəki İsveçrə Dinlər Evində Azərbaycanın İsveçrədəki səfirliyinin təşəbbüsü və “Dinlər Evi - Mədəniyyətlərin Dialoqu” qurumunun birgə təşkilatçılığı ilə “Multikulturalizm və mədəniyyətlərarası dialoq: İsveçrə və Azərbaycan modelləri” mövzusunda konfrans keçirilib.
Şəmkir Bilik evində Beynəlxalq Uşaq Kitabı Günü
Şəmkir Heydər Əliyev Mərkəzi və Şəmkir Bilik evinin birgə təşkilatçılığı ilə Mərkəzdə Beynəlxalq Uşaq Kitabı Günü ilə əlaqədar tədbir keçirilib. Fonddan “Olaylar” – a bildirlib ki, tədbirdə Şəmkir Rayon İcra Hakimiyyətinin əməkdaşları, Əhməd Cavad adına şəhər tam orta məktəbin şagirdləri və Şəmkir şəhər 2, 4, 5, 8 saylı körpələr evi – uşaq bağçaları, Şəmkir rayon Dəllər qəsəbə 2 saylı körpələr evi – uşaq bağçası və Kids Academy körpələr evi – uşaq bağçasının körpələri iştirak ediblər.
Musiqili Teatrda bu həftə
Azərbaycan Dövlət Musiqili Teatrında həftəsonu 5 tamaşa nümayiş olunacaq. Dövlət Musiqili Teatrının Mətbuat katibi Samir Sədaqətoğlu “Olaylar” – a bildirib ki, 7, 8, 9 aprel tarixlərində saat 12.00 və 19.00-da “Silva” (İ. Kalman), “Düyməcik” (H.K. Andersen), “Mənim günahım” (Q. Qarayevin musiqiləri və İ. Əfəndiyevin eyni adlı pyesi əsasında), “Dəcəl çəpişlər” (O. Zülfüqarov, R. Heydər) və “Baladadaşın toy hamamı” (Elçin, F. Allahverdi) tamaşaları təqdim olunacaq.
.jpg)
Doğuş Xoşqədəmdən danışdı: “Bir-birimizə qarşı...”
Türkiyəli müğənni Doğuş qardaş ölkənin nüfuzlu “Vatan” qəzetinə müsahibə verib. O, yeni “Yara Bere” adlı sinqlı, yaradıcılıq planları ilə yanaşı, həyat yoldaşı, aparıcı Xoşqədəm Baxşəliyeva, ailə həyatı və əkiz övladlarından da bəhs edib. Müsahibədə yer alan bəzi maraqlı məqamları təqdim edirik.
“Müqayisəli ədəbiyyatşünaslığın aktual problemləri” mövzusunda konfrans
Aprelin 4 – də Azərbaycan Dövlət Mədəniyyət və İncəsənət Universitetinin təşkilatçılığı ilə “Müqayisəli ədəbiyyatşünaslığın aktual problemləri” mövzusunda elmi-nəzəri konfrans keçirilib. Universitetdən “Olaylar" – a bildirilib ki, konfransa təqdim olunan məqalələrdə ədəbiyyat incəsənətin bir sahəsi kimi təhlil və təqdim edilib. Məruzələrdə müqayisəli ədəbiyyatşünaslığın predmeti olan ədəbi əsərlər, janr və üslublar, yazıçının yaradıcılıq xüsusiyyətləri, ədəbi cərəyanlarla yanaşı, xalqların ictimai, mədəni inkişafı, mədəni və ədəbi əlaqələri qarşılıqlı tədqiq olunmuşdur. Ədəbiyyatşünalıq məsələlərinə müxtəlif aspektlərdən - fəlsəfi, sosioloji, tarixi, kulturoloji kontekstdən yanaşılıb.
“Mədəni turizm məhsulunda milli ornamentlərin təbliği” elmi konfrans
Aprelin 4 – də Azərbaycan Respublikası Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi AMEA-nın konfrans zalında Memarlıq və İncəsənət İnstitutu ilə birgə “Mədəni turizm məhsulunda milli ornamentlərin təbliği” mövzusunda elmi konfrans keçirilib. Mərkəzdən “Olaylar” – a bildirilib ki, konfrans çərçivəsində müəssisələr arasında əməkdaşlıq haqqında anlaşma Memorandumunun imzalanma mərasimi təşkil olunub.