Mədəniyyət
“Muğam aləmi” V Beynəlxalq Muğam Festivalının proqramı açıqlanıb
Bakıda Heydər Əliyev Fondu, Mədəniyyət və Turizm Nazirliyi, Azərbaycan Milli Elmlər Akademiyası, Bəstəkarlar İttifaqı və Azərbaycan Milli Konservatoriyası tərəfindən martın 7-dən 14-dək “Muğam aləmi” V Beynəlxalq Muğam Festivalı keçiriləcək. Nazirliyin mətbuat xidmətindən bildiriblər ki, festival çərçivəsində Bakı və Gəncə şəhərlərində Azərbaycan və xarici musiqiçilərin iştirakı ilə konsertlərin təşkili, beynəlxalq elmi simpoziumun və muğam müsabiqəsinin keçirilməsi nəzərdə tutulub.
Qadağan olunan “Güləhməd”in rejissorundan ŞOK İTTİHAMLAR
Mən film üçün məkan tapmadığınıza görə, baş rol ifaçısını bəyənmədiyimə görə, büdcəniz olmadığına görə, 3 dəfə filmi çəkməkdən imtina etdim.
Yeganə verilişə ailəsi ilə gəlib boşanma xəbərlərindən danışdı: "Qanuni ərimdir"
Müğənni Yeganə Akbudak türkiyəli həyat yoldaşı Fatehlə boşanma xəbərlərinə son qoyub. Cütlük birlikdə "Zaurla Günaydın" verilişinə qonaq olublar. Yeganə bildirib ki, artıq boşanma xəbərlərindən yorulub:
V Beynəlxalq Muğam Festivalının açılış konserti Heydər Əliyev Sarayında təşkil ediləcək
Martın 7-də Heydər Əliyev Sarayında V Beynəlxalq Muğam Festivalının açılış konserti olacaq. Açılış konsertində Əməkdar İncəsənət Xadimi, dirijor Fəxrəddin Kərimovun rəhbərliyi ilə Üzeyir Hacıbəyli adına Azərbaycan Dövlət Simfonik Orkestri, Azərbaycan Dövlət Xalq Çalğı Alətləri Orkestri və Qara Qarayev adına Azərbaycan Dövlət Kamera Orkestrinin çıxışları olacaq. Konsertdə Gülyaz Məmmədova, Emil Əfrasiyab, Firuz Səxavət, Afaq Abbasova, İlkin Əhmədov, Rəvanə Qurbanova, Aşıq Babək Şakirli və başqaları iştirak edəcək.
Teatr kollektivi Ölkə Prezidentinə təşəkkür məktubu ünvanlayıb
Azərbaycan Dövlət Gənc Tamaşaçılar Teatrının kollektivi Azərbaycan Respublikası Prezidentinin 22 fevral 2018-ci il tarixli Fəxri adlara görə aylıq təqaüdlərin artırılması və “Fəxri adlara görə aylıq təqaüdün verilməsi haqqında” Azərbaycan Respublikası Prezidentinin 2005-ci il 4 iyul tarixli 878 nömrəli Sərəncamında dəyişikliklər edilməsi barədə imzaladığı sərəncamla əlaqədar ölkə rəhbərinə təşəkkür məktubu ünvanlamışdır. Məktubda deyilir:
Xocalı soyqırımının 26-cı ildönümünə həsr olunan tədbir
Azərbaycan Dövlət Mədəniyyət və İncəsənət Universitetində Xocalı soyqırımının iyirmi altıncı ildönümünə həsr olunan tədbir keçirilib. Azərbaycan Respublikasının Prezidenti Yanında Bilik Fondu ilə birgə keçirilən tədbirdə Universitetin Tədris işləri üzrə prorektoru, professor Validə Məmmədova, Beynəlxalq əlaqələr və tərbiyə işləri üzrə prorektor professor Gülşən Əliyeva çıxış edərək Azərbaycan həqiqətlərinin, xüsusən xalqın yaşadığı soyqırım dəhşətlərinin beynəlxalq aləmə daha ətraflı şəkildə çatırılmasının yolları barədə maraqlı fikirlər səsləndirib, təkliflər irəli sürüblər. Əcnəbi tələbələrin çoxluq təşkil etdiyi tədbirdə Azərbaycan Respublikası Dini Qurumlarla İş üzrə Dövlət Komitəsinin şöbə müdiri Nicat Məmmədli “Xocalı soyqırımı” mövzusunda mühazirə ilə çıxış edib, soyqırımı əks etdirən videoçarx nümayiş olunub.
“Dream Doctor” layihəsinin hazırlıqları başlanıldı
Azərbaycan Dövlət Mədəniyyət və İncəsənət Universiteti, Azərbaycan Tibb Universiteti və İsrailin Azərbaycandakı Səfirliyinin “Dream Doctor” adlı birgə layihəsinin hazırlıq işlərinə başlanılıb. Təlimlə bağlı ADMİU-da tələbələrlə görüş keçirilib. Görüşdə əvvəlcə ADMİU-nun rektoru, professor Fərəh Əliyeva çıxış edərək, həssaslıq, mərhəmət hissi tələb edən layihədə tələbələrin ürəklə, səmimi şəkildə iştirak edəcəyinə inandığını qeyd etmiş, onlara bu işdə uğurlar arzulayıb. Daha sonra ATU-nun dosenti Rəhimə Qabulova geniş təqdimatla çıxış edib.
Teatr beynəlxalq festivallarda iştirak edəcək
Bu il özünün 90 illiyini qeyd etməyə hazırlaşan Azərbaycan Dövlət Gənc tamaşaçılar Teatrı 2018-ci il fevral ayının 27-dən mart ayının 2-dək Birləşmiş Ərəb Əmirliklərinin Əl Füceyra şəhərində keçiriləcək VIII Beynəlxalq Monodram tamaşalar festivalında və martın 3-dən 8-dək Hindistanda keçiriləcək VIII Beynəlxalq Dünya Teatr Olimpiadasında iştirak edəcək.
Şah Abbas karvansarasında bərpa işləri bu il başa çatacaq
Gəncə şəhərində yerləşən Şah Abbas karvansarasında aparılan bərpa işləri bu il yekunlaşacaq. Mədəniyyət və Turizm Nazirliyindən verilən məlumata görə, tarixi abidənin bərpası nazirlik yanında Mədəni İrsin Qorunması, İnkişafı və Bərpası üzrə Dövlət Xidmətinin sifarişi ilə “Azərbərpa” Elmi Tədqiqat Layihə İnstitutunun layihəsi əsasında aparılır.
Məşhur müğənni Bakıya gəlir
Dünya şöhrətli müğənni Dua Lipa aprelin 29-da Bakıda konsert proqramı ilə çıxış edəcək. Məşhur sənətçi Bakıda keçiriləcək Formula-1 yarışları çərçivəsində Bakıya səfər edəcək və “Kristal Hall”da tamaşaçılar önünə çıxacaq.
Könül Kərimova işıq pulu borcunu ödəmir - 172 manat
Müğənni Könül Kərimovanın 172 manat işıq pulu borcu var. Bu barədə aparıcı Zaur Kamal 5/5 verilişində deyib. O bildirib ki, müğənni kommunal borclarını ödəmir.
"Toppuş bacı" mədəsini kiçiltdi - Əməliyyatdan sonra ilk dəfə
Əməkdar artist, hər kəsin "Toppuş bacı" kimi tanıdığı Tünzalə Əliyeva ikinci dəfə mədəkiçiltmə əməliyyatı keçirib. Bu haqda dünən "5/5"-in aparcısı Zaur Kamal canlı yayımda məlumat verib.