Mədəniyyət

Bəstəkar Aygün Səmədzadənin “Azərbaycan 100 mahnıda” layihəsinin təqdimatı keçiriləcək

26 Sentyabr 2019 15:03

Sentyabrın 27-si, saat 15.00-da Azərbaycan Milli İncəsənət Muzeyində Bəstəkar Aygün Səmədzadənin “Azərbaycan 100 mahnıda” layihəsinin təqdimatı keçiriləcəkdir. Olaylar.az bildirir ki, layihənin rəhbəri və ideya müəllifi Xalq artisti, bəstəkar Aygün Səmədzadədir.

Görkəmli opera müğənnisi Bülbülün xatirəsi yad olunub

26 Sentyabr 2019 14:06

Sentyabrın 26-sı Azərbaycan professional vokal sənətinin banisi, görkəmli opera müğənnisi, SSRİ Xalq artisti Bülbülün (1897-1961) xatirə günüdür. Olaylar.az bildirir ki, bu münasibətlə Azərbaycanın Rusiyadakı səfiri, sənətkarın oğlu Polad Bülbüloğlu, Bəstəkarlar İttifaqının sədri, Xalq artisti Firəngiz Əlizadə, Xalq yazıçısı Elçin, mədəniyyət və incəsənət xadimləri Fəxri xiyabanda sənətkarın məzarını ziyarət ediblər. Sənətkarın məzarı üstünə tər çiçək dəstələri qoyularaq xatirəsi hörmətlə yad olunub.

Vaqif Bayatlı Odər gənclərdən kimləri oxuyur? - MÜSAHİBƏ

26 Sentyabr 2019 13:40

Olaylar.az şair, əməkdar incəsənət xadimi Vaqif Bayatlı Odərin həyat yoldaşı Tamam Bayatlı ilə Vaqif müəllimin yaradıcılığı ilə bağlı müsahibəni təqdim edir. - Tamam xanım, Vaqif müəllimin səhhəti hazırda necədi? - Vaqif müəllimin səhhətini əvvəlki illərlə müqayisə etsək indi bir az yaxşıdır. Üç il bundan əvvəl Türkiyədə beynindən əməliyyat olundu. Beynindəki əməliyyatdan sonra məlum oldu ki,onun ürəyinə də müdaxilə olunmalıdır. Ürəyində bir damarı çox ciddi şəkildə tutulub. Və bu digər damarlara, ürəyin sağlam fəaliyyət göstərməsinə problem yaradır. Beyinin vəziyyəti ürəkdə hansısa əməliyyatı aparmağa icazə vermir. Bu yaxınlarda yenidən müayinə üçün Türkiyəyə getməyi düşünürük. Əgər beyində, yüz faizli sağalma olarsa, o zaman həkimlər ürəkdə lazimi əməliyyatı icra edəcəklər. Vaqif müəllimin həm ürək, həm də beyin həkimi İstanbul şəhərində “Acı badəm” klinikasında çalışır. Ümid edirik ki, bu müayinədən sonra Vaqif müəllimin səhhəti daha da yaxşı olacaq və o yenidən insanların arasında olacaq. Gəzdiyi küçələrdə yenidən onu görə biləcəyik, mətbuatda yazıları, müsahibələri yayımlanacaq. Ən başlıcası isə onu sevən oxucuları, yazıçı dostları ilə ünsiyyətdə olacaq. Ona ustad deyən, mənimlə tez-tez əlaqə saxlayan gənc şairlərlə görüşəcək.

VI Bakı Beynəlxalq Kitab Sərgi-Yarmarkası 3 gün davam edəcək

26 Sentyabr 2019 13:19

Azərbaycan Respublikasının Mədəniyyət Nazirliyinin təşkilatçılığı ilə 2019-cu il, 27-29 sentyabr tarixində Bakı İdman Sarayında (Bakı şəhəri, Səbail rayonu, Neftçilər prospekti 26A, Xalça Muzeyinin yanı) VI Bakı Beynəlxalq Kitab Sərgi-Yarmarkası keçiriləcək.

İndoneziyanın musiqi alətləri Musiqi Mədəniyyəti Dövlət Muzeyinə hədiyyə olunub

26 Sentyabr 2019 13:10

İndoneziyanın ölkəmizdəki səfiri Hüsnan Bəy Fənani Azərbaycan Musiqi Mədəniyyəti Dövlət Muzeyinə İndoneziya milli musiqi alətləri olan anqklunq, qambanq, lodonq və digər musiqi alətləri hədiyyə edib.

Opera və Balet Teatrının yaradıcı kollektivinin Gəncə uğuru

26 Sentyabr 2019 12:49

Azərbaycan Dövlət Akademik Opera və Balet Teatrının yaradıcı kollektivi Gəncədə qastrol səfərində olmuşdur. Olaylar.az bildirir ki, kollektiv Gəncə Dövlət Filarmoniyasının səhnəsində Üz.Hacıbəylinin "O olmasın, bu olsun" tamaşası ilə çıxış etmişdir (tamaşanın quruluşçu rerjissoru Əməkdar incəsənət xadimi Hafiz Quliyev).

Heydər Əliyev Mərkəzində Xalq rəssamı Fərhad Xəlilovun fərdi sərgisi açılıb

26 Sentyabr 2019 12:09

Heydər Əliyev Mərkəzində Xalq rəssamı Fərhad Xəlilovun “Yenidən Bakıda” adlı fərdi sərgisi açılıb. Olaylar.az bildirir ki, açılış mərasimindən əvvəl Xalq rəssamı Fərhad Xəlilov çıxış edərək sərgisinin belə bir möhtəşəm mərkəzdə nümayişinə görə Heydər Əliyev Fonduna təşəkkürünü bildirib. Vurğulayıb ki, bu sərgi onun Bakıda ikinci fərdi sərgisidir. İlk sərgisi on il bundan əvvəl təşkil edilib: “Rusiyada 11 fərdi sərgim açılıb. Bu möhtəşəm mərkəzdə sərgi təşkil etmək böyük məsuliyyət tələb edir. Çünki bura dünyada olan ən böyük, müasir mədəniyyət mərkəzlərindən biridir. Buna görə çox şadam. Sərgidə uşaqlıq, gənclik və müasir dövrdə çəkdiyim əsərlər təqdim edilib. Burada Xocalı faciəsinə həsr etdiyim əsərim də nümayiş olunur. Uzun müddətdir bu mövzu üzərində çalışırdım. Burada istəmişəm ermənilərin vəhşiliklərini dünyaya çatdırım. İnanıram ki, sərgi ziyarətçilər tərəfindən böyük maraqla qarşılanacaq”.