Milli mətbəx mədəniyyəti haqqında qanun layihəsi hazırlanıb

Milli Məclisin mədəniyyət məsələləri komitəsində milli mətbəx mədəniyyəti ilə bağlı qanun layihəsi hazırlanıb. "OLAYLAR"-ın xəbərinə görə, bu barədə məlumatı yap.org.az saytına adıçəkilən komitənin üzvü, millət vəkili Leyla Abdullayeva verib. Bildirib ki, bu ilk belə layihədir: "Mədəniyyət komitəsinin üzvləri bu layihəni mübət qarşıladılar və indi bu layihə Milli Məclis Aparatındadır". Millət vəkilinin sözlərinə görə,  Azərbaycan mədəniyyəti haqqında danışarkən Heydər Əliyev Fondunun prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyevanın xidmətlərini xüsusi qeyd etmək lazımdır: "Mehriban xanım Əliyeva Azərbaycan mədəniyyətinin himayədarıdır. Azərbaycan mədəniyyətinin qorunması və dünyada tanıdılması istiqamətində Heydər Əliyev Fondu, onun prezidenti Mehriban xanım Əliyevanın gördüyü işlər ölçüyə gəlməzdir".