Bibiheybət qəsəbə Mədəniyyət Evinin əsaslı təmirdən sonra açılışı olacaq

Fevralın 12-də, saat 16:00-da Bibiheybət qəsəbə Mədəniyyət Evinin əsaslı təmirdən sonra açılışı olacaq.  Səbail rayonu, Bibiheybət qəsəbə Mədəniyyət Evi Azərbaycan Respublikası Prezidentinin Sərəncamı ilə təsdiq edilmiş "2011-2013-cü illər üzrə Bakı şəhərinin və qəsəbələrinin sosial-iqtisadi inkişafına dair dövlət proqramı" çərçivəsində 2012-ci ildə əsaslı təmirə dayandırılıb. Ümumi sahəsi 358,87 kv.m olan binanın bir hissəsində 50 nəfərlik zal və 4 otaqdan ibarət olmaqla Mədəniyyət Evi, digər hissəsində isə 2 otaq olmaqla Səbail rayon MKS-in 4 saylı filialı (Bibiheybət qəsəbə Kütləvi Kitabaxanası) fəaliyyət göstərir. Hazırda kitabxana 27387 nüsxə kitab fonduna, 1783 nəfər oxucu sayına, 15790 nüsxə kitab verilişinə malikdir. Kitabxanada oxuculara xidmət şöbəsi fəaliyyət göstərir.