Muxtar Şaxanovun romanı Azərbaycan dilinə tərcümə edilir

Tanınmış qazax yazıçısı Muxtar Şaxanovun "Həqiqət formulu və sevginin Everest zirvəsindəki təntənəsi " romanı Azərbaycan dilinə tərcümə olunur. Bu barədə "OLAYLAR"-a məlumat verən Qırğızıstandakı Türkdilli Dövlətlərin Siyasətinə Dəstək Fondunun prezidenti Nüsrət Məmmədov deyib ki, kitabın Azərbaycanda geniş bir təqdimat mərasiminin keçirilməsi nəzərdə tutulub: "Yaxın vaxtlarda sözügedən kitabın Azərbaycan dilinə tərcümə prosesi başa çatacaq. Mart-aprel aylarında Bakıda həmin kitabın təqdimat mərasimini keçirməyi planlaşdırırıq". Nüsrət Məmmədov deyib ki,  kitabın təqdimat mərasimində iştirak etmək üçün Qazaxıstan və Qırğızıstandan çox məşhur simalar Azərbaycana gələcəklər.