Ağır beyin əməliyyatı keçirən aktrisa yenidən xəstəxanaya üz tutacaq
Bu ilin yayında Türkiyədə ağır beyin əməliyyatı keçirən xalq artisti Firəngiz Mütəllimova yenidən xəstəxanaya üz tutacaq. Aktrisanın ekskuliziv olaraq "Olaylar"a açıqlaması:
Bu ilin yayında səhhətimdəki problemlərlə bağlı Türkiyəyə getdim və ağır beyin əməliyyatı keçirməli oldum. 2014-cü ilin yanvar ayında yenidən Türkiyəyə dönməyə məcburam. Səhhətimdə problemlər hələ də qalır. Həkimlərim məsləhəti ilə bir daha müayinədən keçməliyəm. Lazım gələrsə ikinci dəfə beyin əməliyyatı keçirməyə məcburam. Çalışdığım Akademik Milli Dram Teatrında tamaşalarda iştirak edə bilmirəm. Yalnız dosenti olduğum ADİMİ-də tələbələrimə dərs verirəm. Yanvarın 20-də teatrımızın səhnəsində İlyas Əfəndiyevin "Qarabağnamə" əsərində Tubu rolunu oynamalıyam. Ona görə də Türkiyədən tez qayıtmalıyam. Əməliyyat lazım olsa tamaşadan sonraya saxlayacağam. Şəhidlərimizə hörmət əlaməti olaraq bunu etməliyəm və bundan sonra tamaşaçılarla sentyabr ayına qədər vidalaşacağam. Təki Allah özü köməyim olsun!
Alim Nəbioğlu