Azərbaycanlı müğənni: “Ərim heç bir qadağa qoymur...”

Müğənni Dilarə Kazımova şəxsi həyatından danışıb. Aile.lent.az-ın məlumatına görə, qafqazinfo-ya açıqlamasında müğənni həyat yoldaşının ona qadağalar qoymadığını bildirib: "Evlilik həyatım əla gedir. Bakı İstanbul yollarında qalmışıq. Bakıya tək gəlmişəm, yoldaşım Türkiyədədir. Həyat yoldaşım mənə sənətimdə böyük dəstək olur. İmkan verir ki, işimi istədiyim kimi görüm, sənətimi lazımi qədər göstərim. Mənə qadağa qoymur, geyimlərimə qarışmır. Ailədə hər şey qadından asılıdır. Hələ ki, uşaq haqda düşünmürük. Karyeramla məşğul olmaq istəyirəm". Kazımova yeni yaradıcılıq işlərindən də söhbət açıb: "Milli boğazlarla ingilis dilində mahnı ifa etmişəm, maraqlı alınıb. Ukraynada komandam var, onlar təklif etdi ki, belə bir mahnı yazdırım. Bu mahnı ilə xaricdə ölkəmizi, milli alətlərimizi təmsil edəcəm. Türkiyədə veriliş açılır, orada iştirak edəcəm. Albom üzərində çalışıram".