Kriminal
8830 qram civəni satmaq istəyərkən yaxalandı
Dövlət Gömrük Komitəsinin Gömrük Sahəsində Hüquqpozmalara Qarşı Mübarizə Baş İdarəsinin əməkdaşları külli miqdarda güclü təsiredici zəhərli maddə olan civə və həmin maddəni realizə etmək istəyən şəxsləri aşkar edib.
“MTN işi” üzrə növbəti məhkəmədə 25 zərərçəkmişin mülki iddiası qəbul edilib
Ləğv edilmiş MTN-in sabiq baş idarə və idarə rəisləri Sübahir Qurbanov, Teymur Quliyev, Natəvan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi başlayıb.
Keçmiş MTN generalının villasında usta işləmiş şəxs məhkəmə zalından azadlığa buraxıldı
Bakı Apellyasiya Məhkəməsində ləğv edilmiş Milli Təhlükəsizlik Nazirliyinin (MTN) Monitorinq Mərkəzinin həbsdə olan sabiq rəisi, general-mayor Teymur Quliyevin villasında çalışan iki qardaş - Ramil Aslanov və Vasif Aslanovun barələrində olan hökmdən dövlət ittihamçısı tərəfindən verilən apellyasiya protesti üzrə məhkəmə iclası başa çatıb.
Zərərçəkən: "Akif Çovdarov məni döyməklə və həbslə hədələyib" - YENİLƏNİB
Ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işi üzrə məhkəmə prosesi Sabunçu Rayon Məhkəməsində fasilədən sonra davam etdirilib.
Baş həkimin qanunsuz əməlləri ifşa edilmişdir
Bakı şəhər Narkoloji Dispanserində vətəndaşlardan qeydiyyatda olub-olmamaları barədə arayış verilməsi üçün pul istənilməsi barədə Bakı şəhər sakinindən 161 nömrəli “Qaynar xətt” əlaqə mərkəzinə daxil olmuş müraciət Baş prokuror yanında Korrupsiyaya qarşı Mübarizə Baş İdarəsi və Səhiyyə Nazirliyi tərəfindən araşdırılmışdır.
Avtomobil təkəri oğurlayan tutulub
Fevralın 25-də Bakı şəhər sakini Azər Abızadənin "Hyundai" markalı avtomobilinin təkərləri oğurlanıb. DİN-dən verilən məlumata görə, Baş Cinayət-Axtarışı İdarəsi, Bakı Şəhər Baş Polis İdarəsi və Binəqədi RPİ 5-ci PB əməkdaşlarının keçirdikləri əməliyyat tədbirləri nəticəsində oğurluqda şübhəli bilinən paytaxt sakinləri Babək Mirzəyev və Əflatun Xəlilov tutulublar. Ətraflarında aparılan tədbirlərlə onların daha 2 avtomobildən hava yastığı, pul və ətir oğurlamaları da müəyyən edilib.
Dəmir yolunu söküb oğurlayan ələ keçib
Fevralın 25-də Dübəndi dəmir yolu stansiyasının yaxınlığında dəmir yolu xəttinin 53 ədəd rels altlığını və 53 ədəd kasteli oğurlanıb. DİN-dən verilən məlumata görə, dəmir yolunu söküb oğurlamağa cəhd göstərməkdə şübhəli bilinən Bakı şəhər sakini Şirvan Gülmməmmədov Nəqliyyatda Baş Polis İdarəsinin əməkdaşları tərəfindən tutulub.Araşdırma aparılır.
Oğurluqda şübhəli bilinən şəxslər saxlanıb
Nəsimi RPİ 20-ci PB əməkdaşlarının həyata keçirdikləri əməliyyat tədbirləri ilə fevralın 23-də rayon ərazisindəki klinikalardan birinin anbarından 110 metr elektrik kabelini oğurlamaqda şübhəli bilinən Bakı şəhər sakini Cahid Xeyrullayev saxlanılıb. Həmçinin Füzuli RPŞ əməkdaşlarının həyata keçirdikləri əməliyyat-axtarış tədbirləri nəticəsində fevralın 24-də rayon ərazisindəki evlərdən birindən 12.000 manat pul və 35.000 manat dəyərində qızıl əşyalar oğurlamaqda şübhəli bilinən Beyləqan rayon sakini Elmin Əlizadə tutulub, daha 1 nəfər isə müəyyən edilib. Avtomobil təkəri oğurlayan tutulub
Polkovnik istintaqdan kənarda necə qala bildi?
"MTN işi" ilə bağlı başladılan cinayət işlərində adı bir neçə epizodda hallanan polkovnik Təhsin Ağayevlə bağlı daha bir məqam ortaya çıxıb. Onun müavin olduğu baş idarədə 1-ci idarənin rəisi olan Vüsal Ələkbərovun cinayət işində zərərçəkmiş kimi tanınan Müsənnif Salahov T.Ağayevin də leyhinə ifadə verib.
Nardaran hadisələri ilə bağlı digər təqsirləndirilənlərin məhkəməsi davam etdirilib
Bakının Nardaran qəsəbəsində baş vermiş insidentlə bağlı saxlanılan Zülfüqar Mikayılov, Elman Ağayev və digər 10 nəfərin cinayət işi üzrə məhkəmə prosesi davam etdirilib. Hakim Zeynal Ağayevin sədrliyi ilə keçirilən prosesdə təqsirləndirilən Mehman Məmmədov ifadə verib. O, ittihamlarla razılaşmadığını deyib.
Metadonun ölkədən tranzit keçirilməklə aparılması cəhdi baş tutmadı
Hava Nəqliyyatında Baş Gömrük İdarəsinin əməkdaşları narkotik vasitə və güclü təsir edən maddənin ölkə ərazisindən tranzit keçirilməklə qaçaqmalçılıq yolu ilə aparılmasına cəhdin qarşısını alıblar. Dövlət Gömrük Komitəsindən “Olaylar”a verilən məlumata görə, idarənin gömrük hüquqpozmalarına qarşı mübarizə şöbəsinə daxil olan məlumat əsasında, Tehran-Bakı-Aktau aviareysilə Azərbaycana gələrək Qazaxıstana getmək istəyən Qazaxıstan Respublikasının vətəndaşı Kazak Akhmada məxsus baqaj yoxlanılıb. Nəticədə, üzərində "Methadone 25" sözləri yazılmış 250 qram şüşə qabda şəffaf rəngli xüsusi iyə malik su şəklində maddə və üzərində "200" rəqəmi əks olunmuş 39 ədəd ağ rəngli həb aşkar edilib. Faktla bağlı izahatında adı çəkilən vətəndaş bildirib ki, şüşə qabda olan mayeni və həbləri müalicə məqsədilə İran İslam Respublikasının Qorqan şəhərində alıb.
Bakıda qadını şantaj edən şəxs tutulub
Bakıda qadını rüsvay edəcəyi ilə hədələyən şəxs saxlanıb. DİN-dən verilən məlumata görə, Bakı şəhər sakini Ellada Zərbəliyevanı (ad şərtidir) barəsində rüsvayedici məlumatlar yayacağı ilə hədələyib ondan 500 manat pul almaqda şübhəli bilinən paytaxt sakini Elnur Əbilov Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.
Bakı sakini özünü zəncirlə asıb
Bakıda 54 yaşlı kişi özünü zəncirlə asıb. Hadisə Sabunçu rayonunda qeydə alınıb. Belə ki, 1963-cü il təvəllüdlü Nəsirov Yusif Təvəkkül oğlu özünü yaşadığı evin həyətində zəncirlə asaraq intihar edib. Faktla bağlı Sabunçu Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb, intiharın səbəbləri araşdırılır.
Ölkədən xarici valyutanın çıxarılmasının qarşısı alınıb
Hava Nəqliyyatında Baş Gömrük İdarəsinin əməkdaşları külli miqdarda xarici valyutanın ölkənin gömrük sərhədindən bəyan etməməklə keçirilməsinə cəhdin qarşısını alıblar. Dövlət Gömrük Komitəsindən verilən məlumata görə, Bakı-Tbilisi aviareysilə getmək istəyən Rusiya Federasiyası vətəndaşının üst geyimi rentgen aparatından keçirilərkən monitorda kağız pula bənzər təsvirlər görünüb.
Vəzifəli şəxslərin adında dələduzluq edən şəxslər zərərçəkmişlərlə barışıq əldə ediblər
Bu gün Bakı Ağır Cinayətlər Məhkəməsində dələduzluqda təqsirləndirilən Alim İbrahimov və Tərlan Comərdovun cinayət işi üzrə məhkəmə prosesi davam etdirilib.