Kriminal
Əfqan Muxtarlının üzərindən 10 min avro pul tapılıb - Rəsmi məlumat yayıldı
Dövlət Sərhəd Xidməti və Baş Prokurorluğun mətbuat xidmətləri Əfqan Qafarlının həbsi barədə birgə məlumat yayıb. Məlumatda deyilir ki, Azərbaycan vətəndaşı, 1974-cü il təvəllüdlü Muxtarlı Əfqan Sabir oğlu 29 may 2017-ci il tarixdə saat 22:40-da Balakən rayonu ərazisində Azərbaycan Respublikasının mühafizə olunan dövlət sərhədini üzərində şəxsiyyətini təsdiq edən sənəd olmadan nəzarət-buraxılış məntəqələrindən kənarda Gürcüstandan Azərbaycan Respublikasına qanunsuz olaraq keçdikdən sonra qaçmağa cəhd edərkən Dövlət Sərhəd Xidmətinin əməkdaşlarının qanuni tələbinə tabe olmayaraq onlara qarşı həyat və sağlamlıq üçün təhlükəli olan zor tətbiq etməklə müqavimət göstərmiş və xidmətin əməkdaşları tərəfindən saxlanılıb.
Qadını şantaj edən şəxs tutuldu
Ağcabədi rayon sakini Bakı şəhər sakini olan qadını barəsində rüsvayedici məlumatlar yayacağı ilə hədələyib ondan 3000 ABŞ dolları alarkən saxlanılıb.Daxili İşlər Nazirliyinin mətbuat xidmətindən verilən məlumata görə, mayın 31-də Yasamal rayonu Mətbuat prospektində Ağcabədi rayon sakini Rakif Quliyev Bakı şəhər sakini E.S(qadın) barəsində rüsvayedici məlumatlar yayacağı ilə hədələyib ondan 3000 ABŞ dolları alarkən Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.
Tanınmış jurnalist Azərbaycandan qaçarkən saxlanıldı
Tanınmış jurnalist Azər İsrafilov yenidən həbs edilib. Bu barədə lent.az-a hüquq-mühafizə orqanlarında məlumat verilib. Bildirilir ki, Azər İsrafilov Xaçmaz rayonunun Yalama qəsəbəsi ərazisindən Rusiya Federasiyasına keçmək istəyərkən saxlanılıb. Məlum olub ki, onun barəsində yenidən cinayət işi açılıb və axtarışdadır. A.İsrafilov Bakıya gətirilib.
Siqaret qutularından 6 büküm heroin çıxdı
Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşına məxsus iki ədəd “Kent” markalı siqaret qutusuna gömrük baxışı keçirilib. Dövlət Gömrük Komitəsindən “Olaylar” a verilən məlumata görə, baxış zamanı, həmin qutuların içərisində, yarıdan qırılmış siqaret gilələrinin altında, hər qutuda 3 büküm olmaqla, cəmi 6 ədəd bükümdə xalis çəkisi 57,259 qram təşkil edən narkotik vasitə – heroin aşkar olunub. Faktla bağlı araşdırma aparılır.
Avtomobilin gizli saxlanc yerindən mobil telefon tapılıb
Avtomobildən 38 ədəd mobil telefon aşkar edilib. Dövlət Gömrük Komitəsindən “Olaylar”a verilən məlumata görə, Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında “Sınıq Körpü” gömrük postunun idxal nəzarəti zonasında Gürcüstan Respublikasından Azərbaycan Respublikasına gələn Azərbaycan Respublikası vətəndaşının idarə etdiyi “Vaz-21 074 ” markalı nəqliyyat vasitəsinə gömrük baxışı keçirilib.
Cahangir Hacıyevin apellyasiya şikayəti ilə bağlı qərar sabah elan olunacaq
Prosesdə Bakı Apellyasiya Məhkəməsində “Azərbaycan Beynəlxalq Bankı” Açıq Səhmdar Cəmiyyəti İdarə Heyətinin həbsdə olan sabiq sədri Cahangir Hacıyev və digərlərinin Bakı Ağır Cinayətlər Məhkəməsinin hökmündən verdiyi apellyasiya şikayəti üzrə məhkəmə prosesi keçirilib.
12 milyon dolları mənimsəməkdə təqsirləndirilən iş adamı ittihamları rədd etdi
Bakı Ağır Cinayətlər Məhkəməsində dələduzluqda təqsirləndirilərək həbs olunan tanınmış iş adamıCeyhun Canıyevin işi üzrə məhkəmə prosesi keçirilib. Hakim Ramella Allahverdiyevanın sədrliyi ilə keçirilən prosesdə prokuror ittiham aktını elan edib.
Uzun illər arvadının xəyanətinə dözən kişinin dəhşətli sonu - Film kimi hekayə
Keçən ilin martında İsmayıllı rayonunun Qurban Əfəndi kəndində qısqanclıq zəminində qonşusu 62 yaşlı Allahverdi Rəhimovu və həyat yoldaşı 56 yaşlı Bahar Əhmədovanı güllələyərək öldürən 66 yaşlı Məhəmməd Əhmədov həbsxanada vəfat edib.
MTN-dən pulla "adam çıxaran" AZADLIQDA
Şirkət rəhbərini sabiq Milli Təhlükəsizlik Nazirliyinin əlindən xilas etməsi ilə bağlı vəd verən və buna görə də dələduzluq etməkdə təqsirləndirilən Namiq Quliyevin cinayət işi üzrə məhkəmə iclası başa çatıb. Bakı Ağır Cinayətlər Məhkəməsində hakim Ramella Allahverdiyevanın sədrliyi ilə keçirilən prosesdə hökm oxunub. Hakimlər kollegiyasının hökmü ilə N.Quliyevin barəsində Cinayət Məcəlləsinin 70-ci maddəsi tətbiq olunaraq, ona şərti cəza verilib. N.Quliyev məhkəmə zalından azadlığa buraxılıb. Xatırladaq ki, ötən məhkəmə iclasında dövlət ittihamçısı çıxış edib. Prokuror çıxışında N.Quliyevin 8 il müddətinə azadlıqdan məhrum edilməsini istəyib.
“Rabitə işi”ndə vurulan ziyanın bir hissəsi ödənilib
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə davam etdirilib.
Astarada məktəbli ofisiantı bıçaqladı
Astara rayonunda məkltəbli kafedə ofisiantı bıçaqlayıb. Məlumata görə, hadisə Astara Bulvarında yerləşən kafelərdən birində baş verib. Belə ki, kafedə ofisiant işləyən, Astara şəhər Heydər Əliyev prospektində yaşayan, 1993-cü il təvəllüdlü Murad Fazil oğlu Qulamzadə 16 yaşlı məktəbli, Əli Məmmədzadə tərəfindən bir neçə bıçaq zərbəsi alıb.
Axtarışda olan tikinti şirkətinin rəhbəri həbs edilib
Bakıda axtarışda olan şəxs tutulub. Məlumata görə, Xətai rayon Polis İdarəsinin əməkdaşları Cinayət Məcəlləsinin 178.3.2-ci (dələduzluq, külli miqdarda zərər vurmaqla) maddəsi ilə axtarışda olan 1964-cü il təvəllüdlü Babayev Elçin Yaqub oğlunu saxlayıblar. Qeyd edək ki, E.Babayev “Ulduz-S” tikiniti şirkətinin rəhbəridir.
İcra hakimiyyətinin 5 kondisioneri oğurlanıb
2016-cı ilin dekabr ayında Ağdaş Rayon İcra Hakimiyyətinin (köhnə) inzibati binasından 5 ədəd kondisioner oğurlanıb. DİN-dən verilən məlumata görə, Ağdaş RPŞ əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən şəhər sakini Səbuhi Mustafayev tutulub. Ətrafında aparılan tədbirlərlə onun carı ilin fevral və mart aylarında rayon ərazisindəki 2 evdən 150 manat pul və məişət əşyaları oğurlaması da müəyyən edilib.
Evdən 570 manat oğurlayan tutulub
Oğurluqda şübhəli bilinən Bakı şəhər sakini Əminağa Rəvanov tutulub. DİN-dən verilən məlumata görə, Nərimanov RPİ 16-cı PB-nin əməkdaşları tərəfindən mayın 25-də rayon ərazisindəki evlərdən birindən 570 manat pul oğurlamaqda şübhəli bilinən Bakı şəhər sakini Əminağa Rəvanov tutulub. Faktla bağlı araşdırma aparılır.
Həyətində çətənə yetişdirən keçmiş məhkum saxlanıb
Sabirabad sakinində narkotik maddə aşkarlanıb. DİN-dən verilən məlumata görə, daxil olan məlumat əsasında Sabirabad RPŞ əməkdaşlarının keçirdikləri əməliyyat tədbirləri nəticəsində Kovlar kənd sakini Rövşən Ağayevin həyətindən 53 ədəd çətənə kolları və 2 kiloqram 300 qram marixuana aşkar edilərək götürülüb.Araşdırma zamanı onun əvvəllər məhkum olunduğu müəyyən edilib.