Kriminal
Ailənin tək övladı ürəyindən bıçaqlanaraq qətlə yetirilib
Bakının Səbail rayonunun Bayıl qəsəbəsində qətl hadisəsi baş verib. 1992-ci il təvəllüdlü Abdulrəhmanov Nail Natiq oğlu Xanlar küçəsində 4 nəfər tanışı ilə əlbəyaxa dava edib. Nəticədə N.Abdulrəhmanov ürək nahiyəsindən 4 bıçaq xəsarəti alıb. O, xəstəxanaya aparılarkən yolda dünyasını dəyişib. Hadisənin baş verdiyi əraziyə Səbail Rayon Polis İdarəsinin (RPİ) əməkdaşları cəlb edilib. Səbail RPİ-dən verilən məlumata görə, ilkin olaraq 1 nəfər şübhəli şəxs (hələlik adı açıqlanmır) kimi saxlanılıb.
İnterpol 30 yaşlı bu azərbaycanlını axtarır
İnterpol daha bir azərbaycanlı barədə axtarış elan edib. 1987-ci il təvəllüdlü Elçin Pirişov dələduzluqda təqsirləndirilib. Azərbaycanın məhkəmə orqanı tərəfindən barəsində həbs qəti imkan tədbiri seçilən E.Pirişov istintaqdan yayındığı üçün onun axtarışa verilməsi barədə qərar çıxarılıb.
Nişanlısını qətlə yetirən şəxs: “"Onunla həmişə hamamda görüşürdük"
Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən prosesdə məhkəmə istintaqı açıq elan edilib. Söz dövlət ittihamçısı Ramin Nağdəliyevə verilib. Prokuror ittiham aktının nəticəvi hissəsini elan edib. Təqsirləndirilən şəxs ittihama münasibət bildirək özünü təqsirli bilib. Nəcəf Məcidov qeyd edib ki, nişanlısı ilə həmişə hamamda görüşüb: "Həmin gün də görüşümüz hamamda idi. Hava soyuq olduğu üçün qapını da içəridən bağladım ki, içəri isti olsun. Mübahisə etdik. Sözlərimə qulaq asmırdı.
Faiq Əmirlinin məhkəməsində şahidlər danışdı
Bu gün Səbail rayon Məhkəməsində Azərbaycan Xalq Cəbhəsi Partiyası sədrinin həbsdə olan köməkçisi, "Azadlıq" qəzetinin yayım direktoru Faiq Əmirlinin işi üzrə məhkəmə prosesi davam etdirilib.
Prokuror Lapşinə cəza istədi - 6 il 6 ay
Bakı Ağır Cinayətlər Məhkəməsində həbsdə olan bloqer Aleksandr Lapşinin işi üzrə məhkəmə prosesi davam etdirilib. Hakim Əlövsət Abbasovun sədrliyi ilə keçirilən prosesdə prokuror təqsirləndirilən şəxsə cəza istəyib. Dövlət ittihamçısı A.Lapşinin 6 il 6 ay azadlıqdan məhrum edilməsini istəyib.
Evlərə qənim kəsilən şəxs tutulub
Oğurluqda şübhəli bilinən Ağstafa rayon sakini Məzahir Alıyev tutulub. DİN-dən verilən məlumata görə, iyunun 13-də Sumqayıt şəhər ərazisindəki evlərdən birindən noutbuk və qızıl əşyalar oğurlanıb. Sumqayıt ŞPİ 1-ci PB əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Ağstafa rayon sakini, əvvəllər məhkum olunmuş Məzahir Alıyev tutulub. Həmçinin Nizami (Gəncə) RPİ əməkdaşlarının keçirdikləri əməliyyat tədbirləri nəticəsində iyulun 7-də rayon ərazisindəki mağazalardan birindən 80 manat pul, danışıq kartları, spirtli içki və tütün məmulatları oğurlamaqda şübhəli bilinən Gəncə şəhər sakini, əvvəllər məhkum olunmuş Cəmşid Hacıyev tutulub.
Quba və Ağdaş sakinlərində nakotik maddə aşkar edilib
Quba rayon sakini Xanmurad Babayevdə xeyli miqdarda narkotik vasitə aşkar edilib. DİN-dən “Olaylar”a verilən məlumata görə, Xızı RPŞ əməkdaşlarının keçirdikləri əməliyyat tədbirləri nəticəsində Quba rayon sakini, əvvəllər məhkum olunmuş Xanmurad Babayevdən 1 kiloqram 838,2 qram marixuana götürülüb.
İnək oğruları yaxalandılar
Salyan rayonunda iribaşlı heyvanlara qənim kəsilən şəxslər zərəsizləşdirlib. DİN-dən “Olaylar”a verilən məlumata görə, 2 baş inək oğurlamaqda şübhəli bilinən şəxslər saxlanıb. Araşdırma zamanı onların Salyan rayonunun Yenikənd kənd sakinləri Rabil Dadaşov və Anar Dadaşov olduğu müəyyən edilib. Salyan RPŞ əməkdaşlarının keçirdikləri əməliyyat-axtarış tədbirləri nəticəsində onların Tural Nəhmətova və Valeh Ağayevə məxsus həyətyanı sahələrdən 2 baş inək oğurladıqları məlum olub.
Qəbələdə RÜSVAYÇILIQ: Cinsi əlaqə videosunu yayacağını deyərək 9 min dollar aldı
Hədə-qorxu yoluyla pul tələb etməkdə və digər ağır cinayətlərdə ittiham olunan Lerik rayon sakini, 1989-cu il təvəllüdlü Alqış Həsənovun cinayət işi üzrə məhkəmə prosesi başa çatıb. Alqış Həsənov zərərçəkmiş şəxsin haqqında rüsvayedici məlumatlar yayma hədəsilə onun xeyli miqdarda əmlakını əldə etmək qərarına gəlib.
Vidadi Zeynalov MTN generallarının məhkəməsində ifadə verir
Sabunçu rayon Məhkəməsində ləğv edilmiş MTN-in sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi davam etdirilir.
Saxlanılan şəxsin digər əməlləri açkar olundu
Narkotik vasitə ilə tutulan şəxsin digər cinayət əməli də müəyyən edilib. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, narkotik vasitə ilə tutulan Ramil Hüseynovun ətrafında Binəqədi Rayon Polis İdarəsinin 5-ci polis bölməsi əməkdaşları tərəfindən aparılan əməliyyat tədbirləri ilə onun iyulun 1-də rayon ərazisində “Mercedes” markalı avtomobildən 650 manat pul və mobil telefon oğurlaması da müəyyən edilib.