Xocavənddə 1 tona yaxın çətənə kolu məhv edilib

Xocavənddə 1 tona yaxın çətənə kolu yandırılıb.  Daxili İşlər Nazirliyinin Mətbuat xidmətinin Bərdə regional qrupundan "Olaylar"a verilən məlumata görə, Xocavənd Rayon Polis Şöbəsinin əməkdaşları "Xaş-xaş-2022" şərti adlı kompleks əməliyyat-axtarış və profilaktik tədbirləri nəticəsində yabanı halda bitmiş narkotik tərkibli bitkilər aşkar ediblər. Tədbir zamanı işğaldan azad edilmiş Zoğalbulaq kəndinin ərazisindəki meşə massivində yabanı halda bitmiş çəkisi 1 tona yaxın olan 2156 ədəd çətənə kolu yandırılaraq məhv edilib.