Oğrunun digər əməlləri də ifşa edilib

Oğurluq etdiyinə görə tutulmuş şəxsin törətdiyi digər cinayət əməlləri də müəyyən edilib. DİN-dən "Olaylar"a bildirilib ki, oğurluq etdiyinə görə tutulmuş S.Pənahovun ətrafında Binəqədi RPİ 5-ci PB-nin əməkdaşları tərəfindən aparılmış əməliyyat tədbirləri ilə onun martın 6-dan aprelin 27-dək olan müddətdə rayon ərazisində 1 mağazadan ərzaq məhsulları və tütün məmulatı, 1 evin həyətindən kanalizasiya quyusunun qapağını, 4 avtomobildən isə akkumulyator oğurlaması da müəyyən edilmişdir.