Azərbaycanda komendant 3 nəfəri niyə güllələdi? - RÜŞVƏT DAVASI - ŞOK TƏFƏRRÜAT - FOTO
Masazır qəsəbəsində baş verən silahlı insidentin şok təfərrüatı ortaya çıxıb.
Masazır qəsəbəsində baş verən silahlı insidentin şok təfərrüatı ortaya çıxıb.
Bakupost.az-ın əldə etdiyi məlumata görə, "Yeni Bakı" yaşayış kompleksinin Ehtiram adlı komendantının törətdiyi cinayətin səbəbi puldur.
Belə ki, Ehtiramın güllələdiyi şəxslər maklerlərdir. Adıçəkilən şəxslər arasında ev alqı-satqısı ilə bağlı danışıq olub, Ehtiram onlardan əlavə faiz tələb edib və narazılıq yaşanıb.
Bundan sonra Ehtiram satılan evlə bağlı təmizlik kağızı adlanan sənədi maklerlərə verməkdən imtina edib və faizini tələb edib. Razılaşma əldə edə bilməyən Ehtiram silahını götürüb Mazasıra maklerlırun ofisinə gəlib və onları orada güllələyib.
Bildirilir ki, Ehtiram "İlin 4 fəsli" tikinti şirkətinin sahibi Elnur Hüseynovun dayısıdır. Ehtiram "Yeni Bakı"ya komendant təyin edildikdən bəri yaşayış kompleksində az qala hər gün davadır.
Əldə etdiyimiz məlumata görə, Ehtiramın Ruhiyyə adlı ikinci arvadı yaşayış kompleksindən ev satan maklerlərdən əlavə faiz tələb edirmiş. Şirkətin rəhbəri Elnur isə bütün bu məsələlərdən xəbərdar imiş və dayısının tərəfini tuturmuş.
Adıçəkilən yaşayış kompleksindən ev satan maklerlərin hamısı Ehtiram və Ruhiyyəyə sənədləşmə üçün 1500 manat pul və əlavə faiz ödəməliymiş.
O da bildirilir ki, "İlin dörd fəsli" şirkətinin vergidən yayınmaq üçün adıçəkilən yaşayış kompleksinin sakinlərinə "kupça" verməyi də müxtəlif bəhanələrlə uzatdığı iddia edilir.
Qeyd edək ki, Elnur Hüseynov Bakıdakı məşhur 3 korona" yaşayış kompleksinin də sahibidir.
**
7:49
Masazırda 3 nəfər "Vinçester" markalı odlu silahdan açılan atəş nəticəsində çoxsaylı qırma yarası alıb.
"Report" xəbər verir ki, hadisə qəsəbədəki "Yeni Bakı" yaşayış kompleksi ərazisində baş verib.
Hadisə zamanı 1994-cü il təvəllüdlü Kamran Qasımov sağ ayağından, 1990-cı il təvəllüdlü Talıbov Məmməd döş və qarın nahiyələrindən və 1980-ci il təvəllüdlü Gəncəliyev Zaur döş və qarın nahiyələrindən çoxsaylı qırma yarası alıblar. Yaralılar 1 saylı Şəhər Kliniki Xəstəxanasına yerləşdiriliblər.
Xəsarət alanların sözlərinə görə, onlara "Vinçester" markalı silahdan atəş açan "Yeni Bakı" yaşayış kompleksinin komendantı Ehtiram adlı şəxsdir.