İdman
Kamran Ağayev: "Azərbaycana gəlmək istəmirəm"
Artıq iki gündür heyətə dönmüşəm. Özümü yaxşı hiss edirəm. Sadəcə, tam sağalmağıma ehtiyac var. Ümid edirəm ki, növbəti aylarda özümə gələcəm.
"Barselona"ya uduzdu, avtomobillə azarkeşi əzdi
PSG-nin yarımmüdafiəçisi Tyaqo Motta idarə etdiyi avtomobillə Paris hava limanında azarkeşlərdən birini zədələyib. Hadisə komandanın "Barselona" tərəfindən 6:1 darmadağın olunmasından narazı fanat futbolçularla danışmaq istədiyi vaxt baş verib. Motta avtomobili ilə yolunda olan azarkeşin ayaq nahiyəsini əzib. Azarkeşə tibbi yardım göstərilib.
İraqlı məşqçi: "Azərbaycanda gimnastlar üçün yaradılan şərait barədə çox eşitmişik"
"Azərbaycanda gimnastlar üçün yaradılan şərait barədə biz İraqda çox eşitmişdik, ona görə Bakıya gəlməyi qərara aldıq". Bunu İraq milli komandasının baş məşqçisi Mahmud əl-Duleymi deyib.
Neymardan yeni rekord: Həyatımın ən gözəl oyunu idi
"Barselona"nın hücumçusu Neymar yeni rekord müəyyənləşdirib. Braziliyalı forvard buna Çempionlar Liqasının 1/8 final mərhələsinin cavab qarşılaşmasında nail olub. Belə ki, PSJ ilə dünənki görüşün qəhrəmanı olan "sambaçı" qollarla yanaşı, assist sayını da artırıb. 6:1 hesablı qələbənin memarı olan Neymar cari mövsüm ÇL-də məhsuldar ötürmələrinin sayını 8-ə yüksəldib. Bu isə Avropanın ən nüfuzlu klub turniri tarixində bir ilkdi.
“Barselona”dan ilk, avrokuboklarda 4-cü
"Barselona" avrokuboklar tarixinə düşüb. Kataloniya təmsilçisi ilk oyunda 0:4 hesabı ilə uduzub, sonda mərhələ keçən ilk komanda kimi tarixə düşüb. Luis Enrikenin yetirmələri PSJ ilə cavab oyununda 6:1 hesabı ilə qalib gəlib. Bununla da İspaniya təmsilçisi Fransadakı 0:4 hesablı məğlubiyyətin əvəzini artıqlaması ilə çıxıb. Bu, avrokuboklar tarixində 4 top fərqinin aradan qaldırıldığı 4-cü cüt olub. Lakin digər üç komanda "Barselona" kimi 0:4 deyil, qollu darmadağınlardan sonra geri dönüş edib.
"İki penaltimiz verilməsə belə, bəraət axtarmırıq"
PSJ Çempionlar Liqasının 1/8 final mərhələsində mübarizəni dayandırıb. Paris klubu evdə 4:0 məğlub etdiyi "Barselona"ya səfərdə 1:6 hesabıyla uduzub.
Rocers və komandası "Liverpul"u 15.7 milyon ziyana salıb
"Liverpul" 2015-ci ildə Brendan Rocersi baş məşqçi postundan istefaya göndərmişdi. Həmin vaxt Rocers və onun köməkçilərinə klub tərəfindən ödənilən təzminat 15.7 milyon funt olub. "Liverpul" şimali irlandiyalı mütəxəsislə yanaşı, Şon O`Driksoll, Qari Makallister, Qlen Driksoll və Kris Devisə də qapını göstərmişdi. "Qırmızılar"ın 2015/!6 mövsümündə maliyyə hesabatına görə itkilər 19.8 milyon funt təşkil edib.
Ronaldinyo ilə “Qəbələ” Dubayda müqavilə bağlayacaq
Ötən ilin oktyabrında paytaxtımızın qonağı olan Ronaldinyonun Bakıda açılması nəzərdə tutulan futbol məktəbi ilə bağlı yeniliklər var. Brazilyalı ulduzla müqavilənin nə vaxt bağlanacağı bəlli olub.
La Liqa klubunda baş məşqçi dəyişikliyi
"Malaga"da məşqçi dəyişikliyi reallaşıb. Marselo Romeronu istefaya göndərən klub rəhbərliyi Miqel Miçellə razılığa gəlib. Qarşıdakı günlərdə Miçelin rəsmi təqdimatı keçiriləcək. Marselo Romeronun istefası "Malaga"nın qeyri-qənaətbəxş nəticələri ilə bağlıdır. O, 2016-cı il 28 dekabrda Xuande Ramosun əvəzinə baş məşqçi postuna gətirilmişdi. Romeronun rəhbərliyi altında 10 oyun keçirən komanda 7 məğlubiyyət almışdı. Miçelin son iş yeri isə "Olympiacos" olub.
Niklas Bendtner Norveç klubunda
"Arsenal"ın eks hücumçusu Niklas Bendtner karyerasını "Rosenborq"da davam etdirəcək. 29 yaşlı forvard Norveç klubuna "Nottinqhem Forest"dən keçib. Müqavilənin detalları açıqlanmır. Bu mövsüm "Nottinqham"in heyətində 15 oyuna çıxan danimarkalı futbolçu 2 qol vurub. Onun yeni klubu "Rosenborq" son Norveç çempionudur.
Güləşçilərimiz Yaşar Doğunun xatirə turnirində yarışacaq
Martın 10-12-i tarixlərində Türkiyənin İstanbul şəhərində sərbəst və qadın güləşi üzrə Yaşar Doğunun xatirəsinə həsr olunan sayca 45-ci beynəlxalq turnir keçiriləcək. Bu barədə məlumat “OLAYLAR”-a Azərbaycan Güləş Federasiyasından daxil olub.
Beynəlxalq karate turniri keçirləcək
Martın 11-12-i tarixlərində 8-ci "Baku Open" ənənəvi beynəlxalq karate turniri keçirləcək. Bu barədə məlumat “OLAYLAR”-a GİN-dən daxil oilub. Bildirilib ki, Bakı İdman Sarayında müxtəlif yaş qrupları üzrə yarışa 10-dək ölkə karateçiləri qatılacaq. Turnirin ilk günü böyüklər arasında kata və kumite yarışları, həmçinin 40, 50 və 60 yaşdan yuxarı veteran idmançıların çıxışları olacaq. Elə həmin gün saat !7:00-da təntənəli açılış mərasimindən sonra final görüşləri və mükafatlandırma mərasimi keçiriləcək. Yeniyetmə və gənclər isə ertəsi gün tatamiyə çıxacaqlar. Görüşləri yerli hakimlərlə birgə yarış iştirakçıları olan ölkələrin beynəlxalq hakimləri də idarə edəcək. 8-ci "Baku Open" beynəlxalq karate turniri federasiyanın rəsmi saytı vasitəsilə canlı yayımlanacaq.
Rüstəm Orucov birincidir
Beynəlxalq Cüdo Federasiyası yeni reytinq cədvəlini açıqlayıb. Aparıcı cüdoçularımızdan Rüstəm Orucov yenə öz çəkisinin ən güclüsüdür. 73 kq çəki dərəcəsində lider olan Olimpiya mükafatçımız 3130 reytinq xalına malikdir. O, ikinci yerdə qərarlaşan yaponiyalı Soiçi Haşimotonu 199 xal qabaqlayır.
Zülfiyyə Hüseynovaya niyə təqaüd verilmir?
Cüdo və sambo üzrə 11 qat dünya, 8 qat Avropa çempionu Zülfiyyə Hüseynova ona verilməli olan təqaüdü ala bilməməsindən şikayətlənmişdi. Xanım idmançı bununla bağlı Gənclər və İdman Nazirliyinə müraciət etdiyini bildirmişdi.
İdmanın inkişafı hər zaman diqqət mərkəzindədir
“Beynəlxalq müstəvidə Azərbaycan nüfuzlu idman ölkəsi kimi tanınır. Çünki Azərbaycan nüfuzlu idman yarışlarına yüksək səviyyədə ev sahibliyi edir. Eyni zamanda, idmanımızın beynəlxalq səviyyədə uğurları da ildən-ilə artır”.