İdman
AFFA-nın bir illik xərci: 19 milyon 592 min 502 manat
AFFA-nın 2016-cı ildəki fəaliyyətinin maliyyə hesabatı məlum olub. Bu gün keçirilən qurumun növbəti Hesabat konfransında xərclərin 19 milyon 592 min 502 manat olduğu açıqlanıb.
Futbolun zirvəsindən zirzəmisinə...
Qanalı məşhur futbolçu Maykl Essyen gözlənilməz transferlə diqqət mərkəzinə düşüb. 34 yaşlı oyunçu İndoneziyanın "Persib Bandung" klubuna transfer olunub. O, 1+1 illik müqaviləyə imza atıb.
"Qalatasaray"dan tarixi qərar
Türkiyə "Qalatasaray"ının futbolçusu Sabri Sarıoğlu mövsümün sonunda komandadan göndəriləcək. "NTV Spor" klub rəhbərliyinin baş məşqçi İqor Tudorun raportuna əsasən qərar verdiyini bildirib.
Verratti "Monako"nun futbolçularını qabaqladı
PSJ-nin yarımmüdafiəçisi Marko Verratti Fransa 1-ci Liqasında fevral ayının ən yaxşı futbolçusu seçilib. İtalyan yarımmüdafiəçi azarkeşlərin 38% səsini toplayaraq "Monako"dan Mbappe (37%) və Radamel Falkaonu (25%) qabaqlayıb. Bu barədə Liqanın rəsmi saytı məlumat yayıb. Fevralda PSJ-nin heyətində 3 çempionat oyununa çıxan Verratti 2 məhsuldar ötürmə verib. Paris klubu bu oyunların 2-ni qələbə, 1-ni bərabərliklə başa vurublar.
Sloveniyalı gimnastlar Bakıda yaxşı nəticələrə ümid edirlər
Sloveniyalı gimnastlar Bakıda yaxşı nəticələrə ümid edirlər. Bunu idman gimnastikası üzrə Sloveniyanın kişilərdən ibarət milli komandasının məşqçisi Sebastyan Piletiç deyib. O, buraya dörd gənc idmançının gətirildiyini deyib: "Onlardan biri - Saşo Bertontsel Avropa oyunlarında atla hərəkətlərdə qızıl medal qazanıb. Ondan başqa da yaxşı idmançılarımız var, ümid edirik ki, onlar ən azı finala çıxacaq". Onun sözlərinə görə, sloveniyalı gimnastlar Bakıya birinci dəfə deyil ki, gəlir və onlar zalda yaradılmış şərtlərdən çox məmnundur.
Daha bir klub Vidalla maraqlanır
Qarşısına Çempionlar Liqasının qalibi olmaq vəzifəsini qoyan PSJ ayda heyətə "əl gəzdirəcək".
Bir neçə futbolçu PSJ-dən getmək istəyir
PSJ-nin Çempionlar Liqasında mübarizəni dayandırması bir neçə futbolçunun komandanı tərk etməsi ilə müşaiyət oluna bilər.
Azərbaycan birinciliyi keçirilir
Bakı İdman Sarayında yeniyetmələr arasında sərbəst və yunan-Roma güləşi üzrə Azərbaycan birinciliyi start götürüb. AGF-dən “OLAYLAR” -a bildirilib ki, yarışın keçirilməsində əsas məqsəd ölkə ərazisində güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşq prosesini təkmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir.
Almaniya Azərbaycanla oyun üçün heyəti bu tarixdə açıqlayacaq
Futbol üzrə Almaniya milli komandasının heyətinin açıqlanacağı tarix müəyyənləşib. Baş məşqçi Yoahim Löv yığmaya dəvət edəcəyi futbolçuların adlarını martın 17-də bildirəcək.
Güləşçilərimiz Türkiyədən 2 qızıl və 1 gümüş medalla qayıdır
Türkiyənin İstanbul şəhərində sərbəst və qadın güləşi üzrə Yaşar Doğunun xatirəsinə həsr olunan sayca 45-ci beynəlxalq turnir keçirilib. AGF-dən “OLAYLAR”-a bildirilib ki, baş məşqçi Firdovsi Umudov, məşqçilər Əsgərxan Novruzov və Rövşən Hacıyevin rəhbərliyi altında yığma komandanın 5 üzvü turnirdə mübarizə aparıb. Güləşçilərimiz turniri 2 qızıl və 1 gümüş medalla başa vurub.
İkardi "İnter"də 70 illik göstəricini yada saldı
İtaliya A Seriyasının 28-ci turunda "Atalanta"nı qəbul edən "İnter" 7:1 hesablı qələbə qazanıb. Bu oyunun 26-cı dəqiqəsində Mauro İkardi rəqibin qapısından 3-cü qolunu keçirib. Argentinalı forvard son 70 ildə "nerazzurri"nin ən tez het-trik edən futbolçusu olub. Bu baxımdna rekord 1947-ci il 26 oktyabrda 18 dəqiqə ərzində het-trik edən Benito Lorenziyə məxsusdur. Bu mövsüm 26 oyunda meydana çıxan İkardi 20 qol və 9 məhsuldar ötürmə ilə yadda qalıb.
"Rəqibimiz zəif komanda deyildi"
Qətərlə yoldaşlıq görüşündə Azərbaycan millisi 2:1 hesablı qələbə qazanıb. Matçdan sonra millimizin üzvləri fikirlərini AFFA-nın saytı ilə bölüşüb.
Prosineçki hava limanında əsəbiləşdi
Azərbaycan millisinin baş məşqçisi Robert Prosineçki Qətərlə oyundan qayıtdıqdan sonra Heydər Əliyev Beynəlxalq Hava Limanını əsəbi tərk edib. Buna xorvatiyalı mütəxəssisin müsahibə üçün tərcüməçisi Aydın Rüstəmovu uzun müddət gözləməsi səbəb olub.
Dohada nadir hadisə
Qətərlə yoxlama oyununda 2:1 hesabı ilə qalib gələn Azərbaycan yığması uğursuz seriyalara son qoyub. Ötən il oktyabrın 8-də evdə Norveçi 1:0 hesabı ilə yenən yığmamız 152 gündən sonra qələbə sevinci yaşayıb. Ardınca Çexiya ilə qolsuz heç-heçə edib, Şimali İrlandiyaya 0:4 hesabı ilə uduzan milli, həm də qol həsrətinə son qoyub.
Güləşçilərimiz Dünya Kuboku uğrunda yarışacaq
16-17 mart 2017-ci il tarixdə İran İslam Respublikasının Abadan şəhərində yunan-Roma güləşi üzrə böyüklər arasında Dünya Kuboku yarışları keçiriləcək. Bu barədə məlumat “OLAYLAR”-a AGF-dən daxil olub. Bildirilib ki, yığma komandamız Türkiyə, Belarus və Ukrayna idmançıları ilə B yarımqrupunda mübarizə aparacaq.