Şimali İrlandiyalı futbolçu Azərbaycana qarşı oynamayacaq

Şimali İrlandiya milli komandasının futbolçusu Korri Evans Azərbaycan yığması ilə Bakıda keçirəcəkləri 2018-ci il dünya çempionatının seçmə qrup matçında böyük ehtimalla iştirak etməyəcək.

Şimali İrlandiya milli komandasının futbolçusu Korri Evans Azərbaycan yığması ilə Bakıda keçirəcəkləri 2018-ci il dünya çempionatının seçmə qrup matçında böyük ehtimalla iştirak etməyəcək.  "The Irish News" nəşri 27 yaşlı yarımmüdafiəçinin qasıq nahiyəsindəki zədədən əziyyət çəkdiyini yazıb.

İngiltərənin "Blackbern" klubunda forma geyinən Evans yanvarın 2-dən bəri meydana çıxa bilməyib. O, martın 26-da Norveç millisinə qarşı 2018-ci il dünya çempionatının seçmə oyunu üçün Şimali İrlandiya yığmasına çağırılsa da, komanda ilə birlikdə tam olaraq məşq etməyib.

Qeyd edək ki, Azərbaycan - Şimali İrlandiya matçı iyunun 10-da "Bakcell Arena"da keçiriləcək. 5 turdan sonra C qrupuna aktivində 15 xal olan Almaniya millisi başçılıq edir. Şimali İrlandiya 10 xalla 2-ci, Çexiya 8 xalla 3-cü, Azərbaycan 7 xalla 4-cü, Norveç 3 xalla 5-cidir. Hələ xal toplamayan San-Marino isə sonuncu pillədə qərarlaşıb.   Goal.az