Skolari istefa verdi

Braziliya yığmasının məşqçi korpusu istefaya göndərilib

Dünya çempionatında ilk üçlüyə düşə bilməyən Braziliya yığmasının baş məşqçisi Luis Felipe Skolari istefaya göndərilib. "Sambaçılar" Hollandiyaya 0:3 hesabı ilə məğlub olduqdan sonra mətbuat konfransı keçirən baş məşqçi özünün, köməkçilərinin və texniki direktor Karlos Alberto Parreyranın istefaya göndərildiyini açıqlayıb.

Qeyd edək ki, Braziliya yığması bu dünya çempionatında böyükhesablı məğlubiyyətlərlə yadda qalıb. Komanda yarımfinalda Almaniyaya 1:7 hesabı ilə məğlub olub. Hollandiyaya isə 0:3 hesabı ilə uduzan Braziliya yığması heç ilk üçlüyə də daxil ola bilməyib. Braziliyanın bu uğursuzluğu azarkeşlərin də kəskin reaksiyasında səbəb olmuşdu. Hətta onlar braziliyalı futbolçuları döyməyə də cəhd etmişdilər. Anspress