Azərbaycanlı məşhurların Braziliya fəlakətinə həsr etdikləri statuslar

Dünən bütün dünya Almaniyanın Braziliyaya "Mineyrao" stadionunda tutduğu toyu izlədi. Braziliya "qırğını" ilə bağlı sosial şəbəkələrdə yazılan statuslar da maraqlılığına görə oyundan heç də geri qalmayıb.  Almaniya-Braziliya oyununa həsr edilmiş ən maraqlı qeydləri təqdim edir.

Anar Heybətov: "Qurban olaram Azərbaycanın yığmasına. İndi bilərik qədrini".

Ramin Deko: "Skolari: "Oyunu saxlooooon".

Aslan İsmayılov: "Braziliya - Almaniya 0-5! Bağışlayın, sizin də televizor bu cür göstərir?!"

Aynur Elgünəş: "Braziliyanın qapıçısı dəqiq futbolçudur? Bəlkə, səhv salıb kuryerə forma geyindiriblər? Yazıq elə qapıdan top cıxarır:)".

"Sancaq": "Qapıçı Julio Sezar oyunun ardından verdiyi müsahibədə bildirib ki, bundan sonra karyerama "salat" olaraq davam edəcəm".

Emil Salamoğlu: "Mən ölmüşəm bəyəm, onu rəiyyət dəfn edə? Uşaqlardan 3-5 nəfər götürün, gedin Brazilyanın meyitini gətirin", - Kərbəlayi İsmayılın Almaniya oyunundan sonra bu tələbinə "Kim qalıb ki, Kərbəlayi, hami Rio-de-Janeyro qəbristanlığına yığışıb", - cavabı gəlir".

Mirmehdi Ağaoğlu: "Bunlar Üçüncü Dünya müharibəsi də edərlər :)".

Ehtiram Mehdiyev: "5-qat dünya çempionuyuq ki".

Azər Rəşidoğlu: "Almaniyanın çempionluğunu tanımayacağam".

Faiq Balabəyli: "Braziliya yağmura düşdü. Eheyy, Skolari! Komandana çətir gətir".

Aytən Məmmədova: "Braziliya "Açıq qapı" günü elan edib".

Qadir İbrahimli: "1950-ci ildə Braziliya finalda Uruquvaya uduzanda azarkeşlər səhərə qədər stadionda ağlamışdılar. Həmin gün Braziliya tarixinə "bütün Braziliyanın ağladığı gecə" kimi düşmüşdü. Almaniya ilə oyun, görəsən, Braziliya tarixinə necə düşəcək?"

Aynur İmranova: "Oyun 35:0-la bitəcək belə getsə. Hər 2 dəqiqəyə bir qol vurur Almaniya".

Məhəmməd Türkmən: "Almanlar brazilyalılara deyirlər ki: "Sizə dedik ki, qarşımıza çıxmoon". P.S. Almanlara səslənirəm. Bəsdirin. Vallah, lazım deyil".

Zaur Xudiyev: "Almaniya Azərbaycanı 6-1, Braziliyanı da 7-1 udursa, deməli, Azərbaycan Braziliyanı 1-0 uda bilər".

Rahil Kərimov: "Nemetski şot olmadı ee, qaqa, "oğlanlar" yığışıb qızların yerinə də vurdular".

Həsən Həsənov: "Heç olmasa ikinci yarıda faşistlik eləmööön".

Qabil Abbasoğlu: "8 min pul alıblar, oynamaqlarına bax".

Ərəstun Oruclu: "Sən demə, almanlar həm də yaxşı aşsüzən istehsal edə bilirlərmiş".

Elşən Allahverdiyev: "Günü sabah Berti Foqtsu şəhərin mərkəzinə qoyub başına fırlanmaq lazımdır".

Xatırladaq ki, Braziliya-Almaniya yarımfinal qarşılaşması 1-7 hesabı ilə başa çatıb. axar.az