Kiyevdə Heydər Əliyevin xatirəsinə həsr olunmuş turnir keçirilib

Ukraynanın paytaxtı Kiyevdə ümummilli lider Heydər Əliyevin xatirəsinə həsr olunmuş sərbəst güləş üzrə V beynəlxalq turnir keçirilib. "OLAYLAR"-ın Ukraynadakı Azərbaycan səfirliyinə istinadən verdiyi xəbərə görə, "Azərbaycançılıq İnstitutu" Beynəlxalq İctimai Təşkilatının  prezidenti, Ukrayna Azərbaycanlıları Konqresinin  Kiyev şəhər təşkilatının sədri Oleq Krapivinin təşəbbüsü və təşkilatçılığı ilə keçirilmiş yarışlarda Ukrayna, Azərbaycan, Belarus, Almaniya, Moldova, Rusiya, Rumıniya və Özbəkistandan yeniyetmə sərbəst güləşçilər iştirak ediblər. Yarış yığma komandamız üçün uğurlu olub, Mahir Əmiraslanov, Teymur Məmmədov  və Məhəmmədrəsul Qazıməhəmmədov  qalib olublar. Qaliblərə medallar, kuboklar və pul mükafatları təqdim edilib.