Ernest Nfor: Start heyətində olsaydım, daha yaxşı oynayardım

"Məğlub olmağımıza səbəb rəqibin bizdən daha yaxşı oynaması idi". Bunu apasport.az saytına "Neftçi"nin kamerunlu hücumçusu Ernest Nfor deyib.
Topaz Premyer Liqasının XVI turunda "Qarabağ"a 1:3 hesablı məğlub olduqları görüş haqda danışan Nfor bildirib ki, daha yaxşı oynaya bilərmiş: "Meydana ikinci hissədə çıxdım. Start heyətində olsaydım, daha yaxşı oynayardım. Belə rəqibdən hər an sürpriz gözləmək olar. Onların güclü çıxışına həmişə hazır olmalıyıq".