Tito Vilanova "Barselona"ya qayıdacaq

"Barselona"nın sahibi Sandro Rossel Tito Vilanovanın komandaya geri dönməsini bəyan edib. Milli.Az İspaniya mətbuatına istinadən xəbər verir ki, klub rəhbəri sabiq baş məşqçinin mütləq komandaya qayıdacağını bildirib: "Mən bura gələndən onun xəstəliyi klub üçün ən pis hadisə olub. Əgər Tito sağalsa, o, əlbəttə ki "Barselona"ya qayıdacaq. Mən bilmirəm hansı vəziyyətdə, amma o qayıdacaq".
Xatırladaq ki, Katalon klubunun sabiq baş məşqçisi Tito Vilanova xərçəng xəstəsi olduğu üçün klubdan ayrılıb. Onun yerinə Jerardo Martino gəlib.