Konte: "Tənqidlər daha böyük problemlər yaradır"

"Yuventus"un baş məşqçisi Antonio Konte "Çelsi"nin çalışdırıcısı Joze Mourinyonun oyun tərzini təkrarlamasına münasibət bildirib. Qol.Az-ın İtaliya mətbuatına istinadən verdiyi məlumata görə, bu iddiaları yalanlayan 44 yaşlı mütəxəssis oyun sisteminin Mourinyonun taktikasına bənzəmədiyini deyib:
"Bəzi şeyləri Mourinyo İtaliyaya gəlmədən öncə söyləmişəm. Kimsədən ilham almıram. Nə hiss edirəmsə, onu da deyirəm".
Çempionlar Liqasında "Qalatasaray"la matçda (2:2) etdiyi dəyişiklərlərə görə tənqid edilməsi haqda da danışan Konte bunları bildirib: "Hər kəs mənim çox pis qərarlar verdiyimi söylədi. Bu cür tənqid olunmağıma təəccüblənmədim. Ancaq bu tənqidlər bizə əksinə, daha böyük problemlər yaradır".