AFFA rəhbərliyi iş vaxtının uzadılması ilə bağlı Bakı Metropoliteninə müraciət edəcək

2014-cü ildə Braziliyada təşkil olunacaq dünya çempionatının seçmə mərhələsi çərçivəsində oktyabrın 15-də keçiriləcək Azərbaycan - Rusiya oyununun başlanma saatı açıqlanıb.
Trend-in AFFA-nın saytına istinadən verdiyi məlumata görə, qrup mərhələsi çərçivəsində sonuncu oyunlar olduğu üçün FİFA-nın qərarı ilə qarşılaşma Bakı vaxtı ilə saat 22.00-da başlayacaq.
Qeyd edək ki, oyun "Bakcell Arenada" keçiriləcək. Bununla əlaqədar olaraq, AFFA rəhbərliyi iş vaxtının uzadılması ilə bağlı Bakı Metropoliteninin rəhbərliyinə müraciət edəcək.