Xavi Martines əməliyyat olundu

"Bavariya" klubunun yarımmüdafiəçisi Xavi Martines dünən Münhendə yerləşən klinikalardan birində əməliyyat olunub. Siasport.az saytının verdiyi xəbərə görə, 25 yaşlı futbolçunun bərpa prosesinə bir neçə həftə vaxt tələb olunur. Martines avqustun 14-də İspaniya yığmasının tərkibində Ekvador millisi ilə keçirilən yoldaşlıq görüşündə zədə alsa da, UEFA superkubokunda "Çelsi" ilə keçirilən qarşılaşmada meydana çıxmış və bir qol vurmuşdu.
Qeyd edək ki, "Bavariya" Çempionlar Liqasının D qrupunda MOİK-in (Moskva) rəqibidir. Komandalar ilk turda Münhendə üz-üzə gələcəklər (17 sentyabrda).