“Xəzər Lənkəran”ın vitse-prezidenti: "Fanatların qarşısına mən çıxdım"

Klub rəsmisi isə haqqında yayılan xəbərləri təkzib etdi

"Oyundan sonra mənə heç kim hücum etməyib". Bunu apasport.az saytına "Xəzər Lənkəran"ın vitse-prezidenti Tuyqun Nadirov deyib.Topaz Premyer Liqasının IV turunda keçirilən "Xəzər Lənkəran" - "Neftçi" görüşü qalmaqalla yekunlaşdı. Qolsuz bərabərlikdən narazı qalan azarkeşlərin qarşılaşmadan sonra Nadirova hücum etdiyi bildirilir.Klub rəsmisi isə haqqında yayılan xəbərləri təkzib edib: "Oyundan sonra azarkeşlər meydana çıxmaq istəyən zaman onların qarşısına çıxdım. Ola bilsin fanatların mənə hücum etdiyini düşünüblər. Səmimi deyirəm, kimsə mənə hücum etməyib, yayılan xəbərlər isə dezinformasiyadı".