İntizam Komitəsi klubları yenə cəzalandırdı

AFFA İntizam Komitəsi Topaz Premyer Liqasında III tur başa çatdıqdan sonra bəzi klubları cəzalandırıb. "Qafqazinfo affa.az saytına istinadən xəbər verir ki, XXII Topaz Premyer Liqasının III turunun "Neftçi" - "Simurq" matçında "Simurq" klubunun 4 futbolçusu sarı vərəqə ilə cəzalandığı üçün klub 1000 manat cərimə olunub. Oyunun 42-ci dəqiqəsində "Neftçi" klubunun futbolçusu Elvin Yunuszadə sonuncu ümid foluna görə birbaşa qırmızı vərəqə alaraq meydandan kənarlaşdırılıb və futbolçu 1 oyunluq cəzalanıb, klub daha 200 manat cərimə olunub Oyunun 8, 31 və 73-cü dəqiqələrində "Neftçi" klubunun azarkeşləri tərəfindən pirotexniki vasitələr istifadə olunduğu üçün "Neftçi" 1000 manat cərimə ödəməli olacaq. "İnter" - AZAL matçında "İnter" klubunun 5 futbolçusu sarı vərəqə cəzalandığı üçün klub 1000 manat cərimə olunub. "Qarabağ" - "Xəzər Lənkəran" oyununun 26-cı dəqiqəsində "Qarabağ" klubunun azarkeşləri tərəfindən pirotexniki vasitələr istifadə olunduğu üçün klub 1000 manat cərimə ödəyəcək.
"Sumqayıt" - "Qəbələ" matçında "Qəbələ" klubunun 4 futbolçusu sarı vərəqə cəzalandığı üçün klub 1000 manat cərimə olunub.
Oyunun 61-ci dəqiqəsində "Qəbələ" klubunun 6 №-li futbolçusu Vlodomir Levin idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunub.