Radamel Falkao yaşını açıqladı

"Monako"nun yeni transferi Radamel Falkao yaşının 27 deyil, 29 olması ilə bağlı səslənən iddiaları cavablandırıb. Qol.Az-ın məlumatına görə, kolumbiyalı hücumçu tvitter hesabından yaşını kiçiltmədiyini deyərək xəbərləri təkzib edib: "Bu cür xəbərlər məni çox təəccübləndirir. Bu iddiaları rədd edirəm. Yaşım 27-dir".
Qeyd edək ki, Kolimbiyanın "Noticias Uno" telekanalı futbolçunun yaşının 29 olduğunu iddia edib. Hətta kanal bu barədə Falkaoya aid sənədlər də yayıb.