Blatter: «Çempionat üçün Braziliya ola bilsin uyğun yer deyil»

FİFA-nın prezidenti Yozef Blatter 2014-cı ildə futbol üzrə dünya çempionatının Braziliyada keçirilməsi üçün ola bilsin "uyğun yer deyil" söyləyib. Lent.az-ın "BBC"-yə istinadən məlumatına görə, o, deyib ki, əgər çempionat zamanı ölkədə kütləvi etirazlar davam edərsə, bu, yarışların keçirilməsi üçün düzgün y erin seçilmədiyinin göstəricisi sayıla bilər. Blatterin sözlərinə əsasən, Braziliya hakimiyyəti Konfederasiya kuboku zamanı öləni bürüyən etiraz aksiyalarından dərs çıxarmalıdır. Onda ölkənin bir neçə şəhərində etirazçılar stadionların ətrafında da aksiya keçirmişdi.