Bakıda restoranın lifti qırıldı, xəsarət alanlar var

İçərişəhərdə yerləşən restoranlardan birində liftin qırılması nəticəsində iki nəfər ağır xəsarət alıb. Hər iki şəxs təcili tibbi yardım maşını ilə Kliniki Tibbi Mərkəzə gətirilib.

Olaylar.az bildirir ki, bunu trend-ə Mərkəzin Mətbuat xidmətinin rəhbəri Elnur Hidayətoğlu bildirib.

Onun sözlərinə görə, 1988-ci il və 1978-ci il təvəllüdlü şəxslər hadisə nəticəsində çoxsaylı travmalar alıblar:

"Onların fəqərə, çanaq, baldır, bazu sümüklərində sınıq və çıxıqlar var. Hər iki şəxs reanimasiyaya yerləşdirilib",-deyə E.Hidayətoğlu bildirib.