Kuryer şirkətini qarət edən şəxslər saxlanıblar

Xətai RPİ-nin 34-cü Polis Şöbəsinə dekabrın 25-də rayon ərazisində yerləşən kuriyer şirkətinin ofisindən 8600 manat pulun oğurlanması barədə məlumat daxil olub. Bu barədə Daxili İşlər Nazirliyindən "Olaylar"a verilən məlumatda bildirilib.

Qeyd edilib ki, polis əməkdaşlarının keçirdikləri əməliyyat-axtarış tədbirləri nəticəsində oğurluq əməlini törətməkdə şübhəli bilinən Bakı şəhər sakinləri M.Bağırov və M.Əsgərov müəyyən edilərək saxlanılıb. Rəsmi məlumata görə, araşdırma aparılır.