İranlı sahibkarların ölkəmizə marağı artır

 Ölkəmizdə səfərdə olan Ərdəbil Ticarət Palatasının sədri Hüseyn Pirmozəyinin rəhbərlik etdiyi nümayəndə heyəti Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında görüş keçirib. Konfederasiyadan "OLAYLAR"-a verilən məlumata görə,. görüşdə ölkə iqtisadiyyatı haqqında qonaqlara ətraflı məlumat verən ASK-nın prezidenti Məmməd Musayev bildirib ki, Azərbaycan hökuməti qeyri-neft sektorunun inkişafına xüsusi önəm verir və yaxın gələcəkdə Azərbaycan iqtisadiyyatının əsasını iri sənaye müəssisələri təşkil edəcək. Ərdəbil Ticarət Palatasının sədri Hüseyn Pirmozəyi ASK-nın rəhbərliyini sahibkarlarla birgə Ərdəbilə işgüzar səfərə, palatanın işi ilə yaxından tanış olmağa dəvət edib. İranın Azərbaycanda ticarət mərkəzi açmaq niyyətində olduğunu , artıq bu məsələ ilə bağlı təklifin irəli sürüldüyünü deyən qonaq qeyd edib ki, xarici ölkələrin bu təcrübəsini Azərbaycanda da tətbiq etmək istəyirlər.