Dünya
Yaponiyada istilər 610 nəfəri xəstəxanalıq etdi
Yaponiyada son günlər davam edən isti hava şəraiti səbəbindən 610 nəfər xəstəxanaya yerləşdirilib. Xəstəxanalara müraciət edənlərin əksəriyyətinə günvurma diaqnozu qoyulub.
Ardıcıl zəlzələlər
Kamçatkada səhər saatlarında baş vermiş 6,3 bal gücündə zəlzələnin ardınca daha bir yeraltı təkan qeydə alınıb. Yerli seysmoloji stansiyadan verilən məlumata görə, növbəti təkanlar 5,1 bal gücündə olub.
Hərbi gəmi batdı
Kameronun cənub-qərbindən Debunşadan hərəkət edən hərbi gəmi Atlas Okeanının sularında batıb. “Olaylar” “Miliyyet” - ə istinadən bildirir ki, Kamerun Müdafiə Nazirliyi cənub Debunsha şəhərindən Bakassi bölgəsinə gedən gəminin batdığını təsdiq edib. Recovery əməliyyatı üçün göndərilən əsgərlərdən yalnız üçü sahilə sağ çıxa bilib. 34 əsgərdən xəbər yoxdu. BBC gəmidəki əsgərlərin yüksək birliklərə mənsub olduğunu və Nigeriya mərkəzli Boko Harama qarşı göndərildiklərini qeyd edib.
Dövlət Dumasından Ermənistana təklif: Rus dilini rəsmi dil elan edin
Rusiya Dövlət Dumasının spikeri Vyaçeslav Volodin Ermənistana respublika qanunvericiliyində rus dili üçün rəsmi statusun təsbit olunmasını təklif edib. Bu təkliflə o, Ermənistan Milli Məclisinin sədri Ara Babloyan ilə görüşdə çıxış edib.
Məşhur “Vertu” telefonlarının istehsalı dayandırılacaq?
Türkiyəli işadamı Hakan Uzanın 4 ay bundan öncə çinli biznesmendən aldığı məşhur lyuks mobil telefon markası "Vertu"nun ləğv olunacağı bildirilib. Türkiyə mətbuatı yazır ki, brilyant və qiymətli metallarla işlənib hazırlanan telefonlar istehsal edən "Vertu" son zaman maliyyə problemləri ilə üzləşmişdi. H.Uzan 1,9 mlrd. funt sterlinq yatırımla şirkəti iflasdan qurtarmağa çalışsa da, 128 mlrd. funt sterlinq büdcə kəsiri buna imkan verməyib. Şirkət "Vertu"nun artıq ləğv olunma prosesinə daxil olduğunu bəyan edib.
Peskov Bağdadinin öldürülməsi barədə danışdı
Kremlin mətbuat xidmətinin katibi Dmitri Peskov jurnalistlərin İŞİD lideri Əbubəkr ƏI-Bağdadinin ölümü ilə bağlı verilən məlumatları şərh edib. Bununla bağlı Putinin sözçüsü deyib: "Bizdə daha dəqiq məlumat yoxdur. İnformasiya, doğrudan da, ziddiyyətlidir, yoxlayırıq".
Yerə təhlükəli meteorit yaxınlaşır - Gözlə görmək mümkün olacaq
İyulun 23-də Yer kürəsinin yaxınlığından meteorit keçəcək. Meteoritin 40-90 metr böyüklüyündə olduğu bildirilir. Məlumata görə, göy cismi bu gün səhər saatlarında Yerdən təxminən 1,2 milyon km uzaqlığında keçən meteoritdən 40 min km daha yaxın keçəcək.
Cənubi Koreyadan Şimali Koreyaya SÜLH ÇAĞIRIŞI
Cənubi Koreya Yapon dənizində ballistik raket sınaqları keçirərək ilk qitələrarası sınağını uğurla başa vuran Şimali Koreya ilə hərbi görüşlər keçirmək təklifini verib. Cənubi Koreya ərazilərinə atılan ballistik raketlərdən sonra iki ölkə müharibənin astanasında idi.
Məsciddə partlayış
Nigeriyanın şimal-şərqində partlayış baş verib. Partlayış nəticəsində azı 8 nəfərin həlak olduğu bildirilir. Fövqəladə Hallar üzrə agentliyin rəhbəri Əhməd Satomi daha 15 nəfərin yaralandığını deyib.
Polislə qarşıdurma: 1 ölü, 56 yaralı var
Misirin Giza şəhərində təhlükəsizlik qüvvələri ilə yerli əhali arasında qarşıdurma yaşanıb. Qarşıdurma zamanı 1 nəfər dünyasını dəyişib, 37-i polis olmaqla, 56 nəfər yaralanıb. Hadisəyə səbəb hökumətin şəhər əhalisinin yaşayış yerlərini sökmək istəyi olub. Qarşıdurma zamanı 10 sivil vətəndaş polis bölməsinə aparılıb.
Lunaparkda faciə: 33 nəfər xəsarət aldı
İspaniyanın paytaxtı Madriddə yerləşən bir lunaparkda sürət qatarı əyləncəsi faciəyə çevrilib. Karuselin vaqonlarının toqquşması nəticəsində 6-ı azyaşlı olmaqla, 33 nəfər müxtəlif dərəcəli xəsarət alıb.
Sarkisyan: "Rusiyanın Azərbaycana silah satması Rusiya-Ermənistan münasibətlərin ən ağrılı tərəfidir"
Rusiyanın Azərbaycana silah satması Rusiya-Ermənistan münasibətlərin ən ağrılı tərəfidir. Bu barədə Ermənistan prezidentiSerj Sarkisyan "Armenia TV"-yə müsahibəsində bildirib. S. Sarkisyan deyib ki, bu məsələ Ermənistan-Rusiya dostluğunun, Ermənistan-Rusiya hərbi əməkdaşlığının ən ağrılı tərəfidir.
İşğal olunmuş ərazilərin azad edilməsi üçün YEGANƏ YOL: Rusiya...
“Krım və Donbasın işğal edilmiş rayonlarının Ukrayna tərkibinə hərbi yolla qaytarılması ehtimalı çox kiçikdir”. Bunu “Apostrof” nəşrinə müsahibəsində Ukraynanın işğal edilmiş ərazilərin məsələləri üzrə nazir müavini Georgi Tuk deyib.
“300 kilometr radiusda...” - ABŞ təmas xəttində kəşfiyyat toplayır
ABŞ-ın strateji “RQ-4A Global Hawk” pilotsuz təyyarəsi Ukraynanın Donbas bölgəsi üzərində növbəti kəşfiyyat uçuşunu həyata keçirib. Bu haqda Rusiyanın “Korrespondent” nəşri hərbi aviasiyanın uçuşlarını izləyən qərb saytlarına istinadən yazıb.
Hakkaridə partlayış
Türkiyənin Hakkari vilayətinin Yüksekova bölgəsində Esendere bələdiyyəsinin ərazisinə məxsus Ovaiçi yaxınlığında partlayış baş verib. “Olaylar” “Huriyyet” - ə istinadən bildirir ki, hadisə İranla sərhədinə 15 kilometr məsafədə baş verib. Partlayış yerinə çoxlu sayda təcili yardım maşınları cəlb edilib. Həmçinin yanğını söndürmək üçün bölgəyə hava dəstəkli əməliyyat başladıldığı bildirilib.














