Dünya
YENİLİK: internetdə evlənmək mümkün olacaq
Yaxın gələcəkdə Rusiyada internet vasitəsilə evlənib-boşanmaq mümkün olacaq. Məsafəli evlənmə və ya boşanma vahid dövlət portalında yaradılan “şəxsi kabinet” vasitəsilə baş tutacaq. Evlənmək istəyənlər üçün internet VVAQ-da gün təyin olunacaq, sonra online olaraq nikah kəsiləcək. Eynilə boşanmaq istəyənlər də bu xidmətdən yararlana biləcəklər. Amma bunun üçün kart vasitəsilə xidmət haqqı da ödəniləcək. Hesab edilir ki, belə üsul vasitəsilə vaxt itkisi və əlavə xərclər də aradan qalxar.
Antarktidadakı donmayan “Qanlı şəlalə”nin SİRRİ
Antarktida materikində illərdir alimləri maraqlandıran “Qanlı şəlalə”nin sirri tapılıb. Qan rəngində qırmızı su şəklində axan şəlalənin yaşı milyon ildən artıqdır.
Rusiyadan İrana şok: İsraili müdafiə edəcəyik
Əgər İran İsrailə hücum etsə, Rusiya İsrailin yanında yer alacaq. Bunu “Tayms of İsrail” qəzetinə müsahibəsində Rusiyanın İsraildəki səfirinin müavini Leonid Frolov deyib.
Almaniya dünya üçün ən böyük təhdidi açıqladı
Dünyada stabilliyə əsas təhdid kiberhücumlardır. Bunu CNBC televiziyasına müsahibəsində Almaniya Müdafiə naziri Ursula fon Layer söyləyib. Onun sözlərinə görə, artıq terror təşkilatları da kiberhücumlardan yararlanırlar:
Uşağı olmayanlar YANDI: YENİ VERGİ
Rusiyada qəribə vergi öhdəliyi qoyula bilər. Uşağı olmayan ailələr buna görə vergi ödəməli olacaq. Moskva Hökumətinin Sosial siyasət və əmək münasibətləri üzrə sədr müavini Nikolay Qubenko bu barədə bildirir ki, Moskvada kifayət qədər yaxşı təmin olunmuş, amma uşaqsız ailələr var. Həmin təminatlı ailələrin ya uşaqları olmalıdır, ya da uşaq istəmirlərsə, vergi verməlidirlər.
Afrindən və Hakkaridən ACI XƏBƏR
Türkiyə Silahlı Qüvvələri (TSQ) "Zeytun budağı" əməliyyatı çərçivəsində daha iki şəhid verib. Acı xəbər Afrin və Hakkaridən gəlib. Hakkaridə daha bir əsgərin yaralandığı bildirilir.
Uşaq bağçasında 87 uşaq zəhərləndi
Moskva şəhərinin uşaq bağçalarından birində valideynlər 87 uşağın zəhərləndiyini bildiriblər. Uşaqlarının sağlamlığına görə narahat olan valideynlər məsələnin araşdırılmasına prokurorluq orqanlarını cəlb etmək istəyirlər. “Nahar vaxtı uşaqlar eyni zamanda özlərini pis hiss ediblər. Kəskin əlamətlər – qusma, qarı ağrısı, bəzilərində qızdırma. Hamı uşağını götürməyə getdi. Mənim uşağımın vəziyyəti axşamtərəfi pisləşdi – hərarəti 39,5 dərəcəyə qalxdı”, – deyə uşaqlardan birinin anası danışıb.
6 yaşlı uşağa təcavüz edib öldürdü - DƏHŞƏTLİ CİNAYƏT
6 yaşlı uşağa təcavüz edən kişiyə 4 dəfə edam cəzası verildi. Pakistanın Kasur şəhərində 24 yaşlı İmran Əli adlı şəxs 6 yaşlı Zeynəb Ənsariyə təcavüz edib daha sonra öldürüb. İ.Əlinin məhkəməsində “yalan aparatı” da istifadə edilib və DNT nümunələri götürülüb. Məlumata görə, İ.Əli törətdiyi hadisəni etiraf edib, hətta vəkili belə onu müdafiə etməkdən imtina edib. İ.Əliyə adam qaçırma, cinayət, terror, cinsi istismar kimi ittihamlarla 4 dəfə edam cəzası, 29 min dollar pul cəzası verilib.
Qəzzada vəziyyət GƏRGİNLƏŞDİ
İsrail və Fələstin sərhədində vəziyyət yenidən gərginləşib. Bir müddətdir davam edən sabitlik 4 yəhudi əsgərin Qəzza zolağı ilə sərhəddə minaya düşərək yaralanmasından sonra pozulub. İsrail ordusunun mətbuat xidmətinin məlumatına görə, yaralı hərbçilərdən ikisinin vəziyyəti ağır, birinin vəziyyəti orta-ağır, digərinki isə yüngüldür.
Adnan Oktarın TV-si bağlanır
Adnan Oktarın telekanalı qaydalara əməl etməsə bağlanacaq. Baş nazirin müavini Fikri İşıkın sözlərinə görə, internet vasitəsi ilə yayımlanan televiziyaların fəaliyyətinə Teleradio qurumu xitam verə bilər: "Qurumun peyk və internet vasitəsilə yayımlanan televiziya kanalları barədə səlahiyyətləri eynidir".
Suriya ordusu Afrinə girdi – Türkiyə ilə dəhşətli döyüş BAŞLANIR
Suriya ordusu Türkiyənin "Zeytun budağı" əməliyyatı keçirdiyi Afrinə daxil oldu. Bu iddia ilə “Al Mayadeen” televiziyası çıxış edib. Telekanalın bölgədəki müxbiri Suriya ordusunun PYD/YPG terror təşkilatına Türkiyəyə qarşı müharibədə dəstək vermək üçün Afrinə girdiyi xəbərini verib.
İordaniyada terror planının qarşısı alındı
İordaniya Silahlı Qüvvələrindəki rəsmi mənbənin bildirdiyinə görə, terrorçuların silah və narkotiklər gətirməyə, həmçinin ekstremistləri ölkə sərhədini Suriya və İraqla birləşdirən istifadəsiz neft kəməri vasitəsilə göndərməyə çalışdıqları terror planının qarşısı alınıb.
Daha bir serialın baş rol aktyorları həyatda sevgili oldu
“Ufak Tefek Cinayetler” serialının baş qəhrəmanları Gökçe Bahadır ilə Mert Fıratın sevgili olduğu irəli sürülüb. Cütlük serial çəkilişlərində və fasilələrdə daim birlikdə vaxt keçirir. Onlar yeməklərini birlikdə yeyir, istirahət vaxtlarında karavanda bir yerdə olurlar.