İranda şok: Ölü bilinən şəxs torbada 3 gün sağ qaldı

Ötən il dekabrın 28-dən Tehran bazarlarında başlayan və uzun müddət davam edən genişmiqyaslı etirazlarla əlaqədar sosial şəbəkələrdə çox diqqət çəkən bir hekayə yayılıb.

Bakupost.az  xəbər verir ki, sosial media platformalarında paylaşılan məlumata görə, narazı etirazlar zamanı ağır yaralanan şəxs ölmüş hesab edilib və meyit torbasına yerləşdirilib. Yaxınını axtaran ailə əvvəlcə xəstəxanaları, sonra isə Kəhrizaq Mərkəzinin morquna baş çəkib və burada çoxsaylı cəsədlər arasında öz yaxınını tanıdığını bildirib.

Ailəsi morqlarda axtarış apardığı zaman öldüyü ehtimal olunan etirazçının yaşadığını görüb. Həmin şəxs təxminən üç gün plastik torbada meyitlərin arasında sağ qalıb. Ailəsi həmin yaralını dərhal xəstəxanaya çatdırıb.

Sosial mediada sürətlə yayılan bu hadisə dünyada ciddi narahatlıq doğurub.