Los-Ancelesdə meşə yanğınları qurbanlarının sayı 7-yə çatdı

Los-Ancelesdə davam edən meşə yanğınlarında ölənlərin sayı 7 nəfərə yüksəlib.

Trend-in məlumatına görə, son olaraq Pasifik Paliseyds bölgəsində baş verən yanğınlarda daha bir nəfər həyatını itirib. Bu ərazidə ümumilikdə 80 kvadratmetr sahə yanıb və 5300-dən çox infrastruktur məhv edilib.

Digər 6 nəfər isə Malibuda yanğınlar zamanı həlak olub. Bu ərazidə isə 52 kvadratmetr sahə yanıb və 5 mindən çox infrastruktur ziyan çəkib.

Los-Anceles Milli Meteoroloji Xidməti xəbərdarlıq edib ki, güclü küləklərin davam etməsi yanğın riskini daha da artırır.