Iranşünas Vardan Voskanyanın uydurmaları – ÖZƏL
7 Yanvar 16:07 DünyaOlaylar.az xəbər verir ki, iranşünas Vardan Voskanyanın Telegram kanalında paylaşdığı məlumata görə, İran ilə Türkiyə-Azərbaycan ittifaqı arasında nəqliyyat böhranı gərginləşməkdədir.
Voskanyan qeyd edib ki, İranın 1000-dən çox yük maşını Sədərək sərhəd-keçid məntəqəsindən buraxılmır və guya sürücülərə qarşı qeyri-insani münasibət göstərilir. O bildirib ki, guya sürücülər dincəlmək və elementar məişət tələbatlarını ödəmək imkanından məhrum ediliblər
"Rəsmi olaraq bu problemin texniki səbəblərdən qaynaqlandığı bəyan edilsə də, Voskaniyan fikrincə, bu, İranı şimal-qərbdən nəqliyyat blokadasına salmağı hədəfləyən Türkiyə-Azərbaycan ittifaqının koordinasiyalı addımıdır.
Bu şəraitdə Ermənistan-İran sərhədi İran üçün şimal-qərbdən nəqliyyat və geosiyasi çıxış baxımından faktiki olaraq yeganə təhlükəsiz və etibarlı yol kimi daha da əhəmiyyət qazanır," - deyə Voskanyan iç üzünü açıb..