50 milyondan çox amerikalı seçimini erkən edib

Noyabrda ABŞ-də keçiriləcək prezident seçkilərində artıq 50 milyondan çox amerikalı erkən səs verib.

Olaylar xəbər verir ki, bu barədə erkən səsvermə sisteminin məlumatlarına istinadən "Axios" portalı yazıb.

Bildirilib ki, 2020-ci ildə keçirilən seçkilər zamanı vaxtından əvvəl səs verən seçicilərin ümumi sayı təqribən 100 milyon nəfər təşkil edib.

Xatırladaq ki, ABŞ-nin hazırkı lideri Co Bayden də bir neçə gün əvvəl erkən səs verib.

Qeyd edək ki, ABŞ-də prezident seçkiləri noyabrın 5-də baş tutacaq. ABŞ prezidenti postu uğrunda Demokratlar partiyasından Kamala Harris və Respublikaçılar partiyasından Donald Tramp mübarizə aparacaq. (qafqazinfo)