Dnepropetrovsk üzərində uçan F-16 görüntüləndi- ÖZƏL

Olaylar.az xəbər verir ki, Ukraynaya Qərb müttəfiqləri tərəfindən təhvil verilmiş F-16 qırıcı təyyarələrindən biri Dnepropetrovsk bölgəsinin səmalarında görünüb. Bu görüntüləri "Osvedomitel" Telegram kanalı yayımlayıb. Bildirilir ki, 29 oktyabr, çərşənbə axşamı günü Ukrayna Hərbi Hava Qüvvələrinə aid F-16A təyyarəsi bölgə üzərindən uçub.

Daha əvvəl Rusiya Federasiyasının əməkdar hərbi pilotu, general-mayor Vladimir Popov bəyan edib ki, Ukrayna Niderland tərəfindən təhvil verilən F-16 qırıcılarını artıq itirməyə başlayıb. Onun sözlərinə görə, ilk partiyadan olan dörd təyyarə ya təlim uçuşlarında, ya da aerodromların müdafiəsi zamanı itirilib.