Rusiyadan gələn ammonium nitrat daşıyan zədələnmiş gəmi Britaniyada dayanıb- ÖZƏL

Böyük Britaniyanın şərqində ammonium nitrat (ammonium nitrat) daşıyan MV Ruby gəmisi Böyük Yarmut limanında dayanıb və Rusiyadan Afrikaya gedərkən zədələnib. 

Olaylar.az xəbər verir ki, bu barədə "Sky News" məlumat yayıb.

"Minlərlə ton potensial partlayıcı gübrə daşıyan zədələnmiş gəmi Norfolk limanına yanaşıb", - deyə telekanal xəbər verir.

Liman meneceri Riçard Qoffinin sözlərinə görə, hazırda partlayıcı yük başqa gəmiyə aparılır. Liman əməkdaşları zədələnmiş gəminin təhlükəsiz şəkildə boşaldılmasını və onun sonrakı səfərinin davam etdirilməsini təmin edəcəklər.