Stepanov: NATO-nun Finlandiya Laplandiyasında keçirdiyi təlimlər müharibəyə hazırlıqdır- ÖZƏL

Finlandiya Laplandiyasında "Lightning Strike 24" artilleriya təlimini təşkil etməklə NATO Rusiya ilə müharibəyə hazırlaşır. 

Olaylar.az xəbər verir ki, bunu TASS-a müsahibəsində hərbi ekspert, Siyasi Elmlər Akademiyasının proqram direktoru, Rusiya Elmlər Akademiyasının Latın Amerikası İnstitutunun baş elmi işçisi Aleksandr Stepanov deyib.

Alim xatırladıb ki, ABŞ-ın himayəsi altında keçirilən təlimlər noyabrın 4-dən 28-dək Finlandiya Laplandiyasında Şimali Avropanın ən böyük poliqonunda - Rovajarvidə keçiriləcək. Bu poliqon Rusiya ilə sərhəddən cəmi yüz kilometr aralıda yerləşir.

"Biz sərhədyanı ərazilərimizdə düşmənin hərbi potensialının sistemli şəkildə hazırlanmasını, bütün komponentlərin, o cümlədən hücum sistemlərinin hərtərəfli sınaqdan keçirilməsi ilə hərbi infrastrukturun sistemli şəkildə yerləşdirilməsini müşahidə edirik. Bu, müharibəyə hazırlıqdır", - agentliyin həmsöhbəti vurğulayıb.