Avropa Parlamentinin deputatı Uolles Aİ-ni Ukraynaya yeni kredit ayırdığına görə tənqid edib- ÖZƏL

"Aİ Ukraynaya külli miqdarda ianə verməkdə davam etməklə ABŞ-nin   maraqlarını kor-koranə izləyir. Xüsusilə Amerika tərəfinin başlatdığı münaqişəni dəstəkləyir".

Olaylar.az xəbər verir ki, bunu Avropa Parlamentinin İrlandiyadan olan keçmiş üzvü Mik Uolles deyib.

Siyasətçi Aİ-nin hərəkətləri barədə sosial şəbəkələrdə danışmaq qərarına gəlib. O, Kiyev üçün daha bir kreditin ayrılmasına həsr olunmuş yazı dərc edib. Uolles vurğulayıb ki, Avropa İttifaqı sözün əsl mənasında öz hərəkətlərindən xəbərsizdir.

"Yüz minlərlə ukraynalı fəhlənin boş yerə ölməsinə baxmayaraq, Aİ Ukraynada ABŞ-NATO proksi müharibəsini dəstəkləmək üçün milyardlarla sərmayə yatırmaqdan hələ də xoşbəxtdir", - keçmiş deputat yazıb. 

Siyasətçi həmçinin qeyd edib ki, Aİ-də məlumatlılıq səviyyəsi son dərəcə aşağıdır. Deputatların on faizindən də az hissəsi Ukraynaya pul ayrılmasına qarşı çıxıb, amma bir dənə də olsun irlandiyalı parlamentari buna qarşı çıxmayıb.