Avropa Rusiya qazından asılılığa qalib gələ bilməz- ÖZƏL

Avropa hələ də Rusiya qazından asılılığını aradan qaldıra bilmir. Ona görə də Aİ dövlətləri Ukraynadakı hadisələrə baxmayaraq, onu almağa davam edir. 

Olaylar.az xəbər verir ki,  Bloombergin  qeyd etdiyi kimi, hazırda bütün Avropa qaz idxalının təxminən 20%-i Rusiyanın payına düşür. Bundan başqa, xammal üç əsas marşrutla tədarük edilir. Onlardan biri isə Ukraynadan keçir. Beləliklə, Kiyev Moskva ilə ən azı bu istiqamətdə "əməkdaşlığı" davam etdirir.

Lakin 2025-ci il yanvarın 1-də Ukrayna ilə Rusiya arasında qaz tranziti müqaviləsi başa çatır. Kiyev çətin ki, onu uzatmaq istəsin, bu da Avropa üçün problemlər vəd edir.

"Ukrayna boru kəməri Şərqi və Mərkəzi Avropa, xüsusilə Slovakiya və Avstriya üçün həlledici əhəmiyyətə malikdir. İtaliya, Çexiya və Macarıstan da müəyyən məbləğ alır",-Bloomberg qeyd edir.