Kuba ABŞ-ın embarqosuna qarşı qətnaməni yenidən BMT Baş Assambleyasına təqdim edəcək - ÖZƏL

Kuba ABŞ-ın embarqosuna qarşı qətnaməni oktyabrın 30-da 32-ci dəfə BMT Baş Assambleyasına təqdim edəcək.

Olaylar.az xəbər verir ki, bu barədə ölkənin BMT-dəki daimi nümayəndəsi Ernesto Soberon Quzman ABŞ-ın davam edən çoxillik iqtisadi embarqosu fonunda bildirib.

Onun sözlərinə görə, ilk dəfə qətnaməni 59 ölkə dəstəkləyib, bu gün onun qəbuluna səs verən dövlətlərin sayı artaraq 187-yə çatıb: "Oktyabrın 30-da biz embarqoya qarşı qətnaməni 32-ci dəfə təqdim edəcəyik. 187 ölkə dəstəkləyir. Embarqonun ləğvi ilə bağlı qətnaməmiz və tələbimiz, təəssüf ki, BMT Baş Assambleyasının qərarları məcburi olmadığı üçün heç bir şey baş vermir".