Çinin F-35-ə rəqib olan yeni nəsil döyüş təyyarəsi təqdim edildi- ÖZƏL

Çinin yeni hazırlanmış 5-ci nəsil döyüş təyyarəsi FC-31 Səudiyyə Ərəbistanında keçirilən Ümumdünya Müdafiə Sərgisində nümayiş etdirilib. 

Olaylar.az xəbər verir ki, F-35 ilə rəqabət aparacaq təyyarə üzərində inkişaf işləri davam edir.

Çin Aviasiya Sənayesi Şirkəti (Avic) ilə əlaqəli "Shenyang Aircraft Company" tərəfindən hazırlanmış təyyarə ABŞ-ın Lockheed Martin tərəfindən istehsal olunan F-35 döyüş təyyarələrinin ekvivalenti olaraq dizayn edilib. Yarmarkada potensial alıcılara təqdim edilən, hazırlanmaqda olan döyüş təyyarəsinin yüksək sürət və manevr qabiliyyəti ilə yanaşı, gizli təyyarə xüsusiyyətlərinə malik olması planlaşdırılır.