Yaxın Şərqdə münaqişənin hərbi yolla həlli yoxdur – ÖZƏL

Olaylar.az xəbər verir ki, İranın xarici işlər naziri Hüseyn Əmir Abdullahiyan bildirib ki, İsrailin Qəzza zolağında Fələstin xalqına qarşı təcavüzünün dayandırılması regionda təhlükəsizlik və sabitliyin bərpası üçün açardır.

Al Mayadeen telekanalı onun suriyalı həmkarı Faysal Mekdad ilə danışıqlardan sonra deyib: 

"Yaxın Şərqdəki münaqişəni müharibə və məcburi tədbirlərlə həll etmək olmaz. Biz işğalçı qüvvələrin fələstinliləri Qəzza zolağından və İordan çayının qərb sahilindən zorla sıxışdırıb çıxarmaq planlarını rədd edirik. Bu cür hərəkətlərin cavabsız qalmayacağını xəbərdar edirik".
İranlı nazir ABŞ-ın Suriyanın şərqində yaşayış məntəqələrinə endirdiyi zərbələri kəskin şəkildə pisləyib. 

"Biz Amerika hərbçilərinin Suriya ərazisində olmasını qeyri-qanuni hesab edirik və ABŞ-ın təcavüzkar hərəkətlərindən əziyyət çəkən Suriya xalqına başsağlığı veririk", - o vurğulayıb.