2023-cü ildə Minsk və Moskva arasında ticarət dövriyyəsi 53 milyard dollar təşkil edib - ÖZƏL

Olaylar.az xəbər verir ki, Belarusun baş naziri Roman Qolovçenko deyib ki, Belarus və Rusiya arasında qarşılıqlı ticarət dövriyyəsi 2023-cü ildə 6% artaraq 53 milyard dollara çatıb.

"Biz 2022-ci ilin kifayət qədər yüksək nəticəsini 6% ötməklə bir-birimizə daha da yaxınlaşdıq", - deyə o, bildirib.

"Ölkələrimiz ətrafında baş verən xarici hadisələr bizi ikitərəfli əlaqələri müəyyən dərəcədə gücləndirməyə sövq etdi" - deyən Qolovçenko əlavə etdi ki, bu xarici çağırışlar və təhdidlər yalnız inteqrasiya proseslərini gücləndirdiyimiz zaman ölkələrimizi bir araya gətirdi.

Rusiya prezidenti Vladimir Putin bir müddət əvvəl bildirib ki, ötən ilin on ayında Moskva ilə Minsk arasında ticarət dövriyyəsi 42,5 milyard dollar təşkil edib.