Rustavidə bazarda ATIŞMA: 4 ölü var

Gürcüstanın Rustavi şəhərində bazarda atışma olub.

Olaylar.az xəbər verir ki, ölkənin Daxili İşlər Nazirliyinin yaydığı məlumatda bildirilib ki, atışma nəticəsində 4 nəfər həlak olub.

Gürcüstan DİN-dən verilən məlumatda qanlı olayı törədənin 1988-ci il təvəllüdlü şəxs olduğu bildirilib.

"Atışma nəticəsində 4 nəfər, o cümlədən təqsirləndirilən şəxsin bazarda işləyən əmisi həlak olub", - deyə məlumatda qeyd edilib.

Bundan əlavə, daha bir nəfər yaralanıb.

Hüquq-mühafizə orqanları atəş açan şəxsi hadisə yerində saxlayıb.